琴日，我好耐好耐都末試過咁開心啦！同朋友出食飯、傾偈，仲可以傾心事，玩波子棋添，時光就好似返到初相識之時。我其實好耐冇同呢個朋友見面見得咁融合，同埋最緊要係冇鬧過交嘛！因為我係舊年開始就不斷咁吵吵鬧鬧，攪到差 d 連朋友都冇得做。但經過我個腦呢件事後，我發覺當有可能永遠咁失去某件物件或某個人的時候，我會更加難過同有後悔的可能，於是我便開始學習梗放低我的執著和堅持。其實每樣野就好似冥冥中自有安排咁，好似如果唔似我今次係街到暈跌一跌，我諗我唔會 check 我腦囉！就因為我有做呢個檢查，先可以及早發現我個腦有瘤，醫生話如果日後先致發現就好煩，所以我經過呢件事之後，我發誓我要學識珍惜和放低無謂執著。但係講就易做就難，我希望自己能「經一事，長一智」啦！

原來當一個人去面臨有機會可能會死亡的時候，你真係會諗一自己好想做，或者唔做會後侮事出黎做！呢排我就遇到這個情形啦！但有時明知一定冇可能做得到的時候，我就會好傷心，有陣時仲會偷愉地喊出黎添，所以我係呢段等緊做手術時間，我心情非常之複雜。