علشان كده الناس بتكره الاسلام

غريبه اوى تلاقى ناس عماله عمال على بطال تهاجم الاسلام و المسلمين كان خلاص الدنيا بقت بمبه و احنا اللى مسودنها عليهم و ياريتهم بيقولوا حاجه عدله اللى كله عبط فى عبط
تلاقى واحد مثلا يقول المسلمين ميعرفوش الديموقراطيه و ناس بتحب الاستبداد ازاى ده و القران قال و شاورهم بالمعروف!
ناس تانيه تقولك الاسلام انتشر بحد السيف!!!!!!!!!
قصدهم غزوات الرسول طب ليه ميسالوش نفسهم ازاى انتشر الاسلام فى شرق اسيا ازاى و اكبر بلد اسلامى اندونيسا اسلمت عن طريق التجاره,طب ماشى ياعم انتشر بالسيف طب ليه اكتر من مليار مسلم لسه مسلم و مخرجشوش عن الاسلام ايه اللى مسبتهم على دينهم؟
و كلام كده زى الرسول استغفر لله كان مزواج؟مزواج ازاى و كل امهات المؤمنينن لمطلقات لارامل و بعيال او حتى اكبر منه زى السيده خدريجه رضى الله عنها.
و النبى هو فى حد بيحب الستات و يروح يتجوز مطلقات و ارامل و ستات اكبر منه و هو ممكن يتجوز من جميلات العرب؟
يقولوا الاسلام دين احادى و المسلمين بيكرهوا غيرهم من الادين؟ازاى و كان فيه علماء من اليهود و النصارى فى كافه العصور الاسلاميه و الدكاتره بتوع معاويه بن ابى سفيان و عبد الحكم بن مروان كانوا من اهل الكتاب؟
يقولوا الرسوا كان بيتجوز بنات صغيره قصدهم السيده عائشه علشان كانت 9 سنين لما اتجوزت الرسول كان مقاييس زمان تنفع دلوقتى و ناسيين ان كل وقت و ليه اذان.ده الاسكندر الاكبر كان عمره 16 سنه لما غزا نصف الكره الارضيه و محمد الفاتح كان ابن 18 ايوه والله 18 لما فتح القسطنطينيه اما عقبه بن نافع كان 86 سنه لما فتح افريقيا و كمان مات مقتول مش بمرض !
فى حد دلوقتى عنده 86 سنه يقدر يفتح الباب حتى مش يشيل سيف و يحارب؟الناس زمان كانوا غير دلوقتى.
الاسلام دين يؤمن بالاخر ,وجادلهم بالتى هى احسن
بس فيه ناس مهما تقول و تعمل و تشرحلهم ودن من طين و ودن من عجين علشان ينطبق عليهم الايه الكريمه
و جعلنا من بين ايديهم سدا و من غلفهم سدا فاغشيناهم فهم لايبصرون.