شبابنا بين الرجولة و الميوعة

no comment

طيب ممكن اعرف ليه نووو كومنت
انت شايف ان الظاهرة دى مش موجودة
ولا شايف ان المسأله محرجه لدرجه النووو كومنت
وعموماً
No thanks 4 No comment (lol
عموما أهلاً بك فى التوبك يا معتز
مع الشكر
أختكم
amicitia

اقولك ليه نو كومنت لسبيبن اولا لأنى علقت على توبيكات كتير ليكى وانتى مش بتردى
وثانيا الموضوع اصلا الولد اللى يعمل كده ويتشبه بالبنات ده بقى شئ مقزز الواحد مايقدرش يقول عليه ولد اصلا والراجل يعنى مسئوليه مسئوليه فى شكله وتصرفاته ومعاملاته مع الناس
اخوكى
mo3taz

أهلاً بحضرتك أولاً وشكراً لتعليقك
مسأله انك علقت لى على توبيكات وانا مش رديت
فأنا هراجع التعليقات على الموضوعات تانى
لانى اللى انا فاكره ان حضرتك علقت على موضوع وقولتلى الهدف منه مش واضح
والمشكله كانت فى التوبك ده بعض اما كتبته العنوان كان فى جزء منه مش موجود معرفش ازاى وحاولت اعدل فى العنوان بش مكنش بيتعدل ده التعليق اللى شوفته لحضرتك وانا افتكرت ان سببه العنوان
وطبعاً حضرتك أوجزت فأنجزت بصراحه لان ده اللى انا عاوزة اقوله بالضبط
الرجولة تعنى مسئوليه كامله فى كل شىء
واللى بيحصل فعلاً إنتقاص أو إلغاء للرجوله
وعلى فكرة زى مذكرت النموذج اللى منتشر دلؤتى من الشباب
فى شباب أخرين ربنا يحفظهم بجد إلتزم ورجولة واضحه فى التصرفات ومسئوليه كامله منذ الصغر وبدعى ربنا يكثر منهم
لان دول فعلاً اللى البلد محتاجه ليهم
وشكراً ليك مرة أخرى وأسفه اذا كان فى تعليقات لحضرتك على موضوعات لى وانا مش رديت عليها
بس تأكد انها غير مقصودة
تمنياتى لك بكل خير
وكل عام وانت بخير ونورت التوبك بمرورك وتعليقك
أختك
amicitia

ولا يهمك يا اميسيتيا او صديق باللاتينى وانا اسف كمان لو كنت ضايقتك بكلامى انك مرديتش على تعليقاتى وبالنسبه للشباب فانا شايف انها مسأله تربيه وقدوة لو الولد اتربى من الأول واتعود على المسئوليه فى التصرفات وشاف قدوة ليه فى كده اكيد هيطلع راجل وماتظهرش النماذج اللى بتتكلمى عليها واللى للأسف شئ محزن
وشكرا ليكى يا اميسيتيا
اخوكى
mo3taz

عزيز مفتخر صاحب العزة والقوة
ده معنى أسمك بس بالعربى مش باللاتينى يعنى
وعلى فكرة amicitia
معناها صداقة مش صديق
صديق amicus
وطبعاً احنا أخوه ومفيش مضايقه ولا حاجه
انا اللى أسفه إذا كنت اعتقدت انى مش رديت على تعليقاتك تعمدا
وعلى فكرة انا نفسى بحب جداً ان اللى قدامى يواجهنى باللى ممكن يكون مديقه منى لانى اصلاً كده بردو
وتعقيب على كلام حضرتك
فعلاً النشأه والتربية مهمة جداً بالنسبه للولد من صغرة وفعلا لتعمل منه راجل فى المستقبل يأما تعمل منه إنسان غير مسئول عايش فى مرحلة الطفوله وتصرفاته كلها رعونه
ونعومية ودلع ملوش معنى
النماذج دى من الشباب الصغير بصادفهم من خلال عملى
بس بحاول أتعامل معاهم واوجهم بحكمة بقدر إستطاعتى
وببدأ من القريبن منى الأقارب ممكن او الزملاء يعنى
وربنا يهديهم جميعاً
وعلى فكرة نفس كلام حضرتك ينطبق على البنت من حيث التنشئه
لاننا شكلنا هنعمل موضوع عن البنات كمان
دول ليهم موااااااااال لوحدهم
هههههههههه بس وقتها يمكن يخلونى أعتزل زوربيا كلها
شكراً لك يا معتز
أختك
M
الأسم الحركى
amicitia

انتى اسمك بيبدأ بالميم زيى جميل ههههه وواضح انك انسانه مخك كبير ومن ناحيه الموضوع بتاعنا فعلا الولاد والبنات دول محتاجين توجيه لأن للأسف مخهم فاضى وبيقلدو تقليد اعمى لكل شئ سيئ بيشوفوه فى التليفزيون والفضائيات دانا اشوف قناه من قنوات الأغانى بالصدفه اتفرج على اغنيه الواحد يستعجب ويقول ايه ده احنا وصلنا لفين ودول هيوصلونا لفين معقوله ده يتعرض كده عادى على الناس والمصيبه انه فى الأغانى واللى الشباب معظمه ومعرفش ليه بيحب يسمعها ويتفرج عليها وبالتالى ياخد الناس دى قدوة ويبدأ بقى يلبس زيهم ويقلدهم وكله تحت شعار الموضه والنيو لوك معلش طولت عليكى
اخوكى معتز

فعلاً ده حوار الحضارات
خصوصا اللى بتبدأ بحرف الميم
ههههه
ربنا يعزك كمان وكمان يا معتز
وفعلاً المشكله فى التقليد الأعمى والمصطلحات العجيبه
والستايل والنيو لوك طب مش العقل بيقول ان الواحد يلبس اللى يليق عليه ويبقى متناسب مع المجتمع اللى عايش فيه بردو
ويتناسب مع سنه ومع جنسه سواء راجل أو إمرأه
احنا عندنا الحدود دى مش موجوده اصلا
والمسأله تقليد والسلام منغير أدنى تميز
والقرف اللى بيتعرض فى الفضائيات على القنوات اللى اتمنى ان يتوقف حالها وتتقفل خالص
بلوى من بلاوى الزمن بجد
الواحد فعلاً لما بيقعد وبيشوف حاجه عليها
بيقول لا ده أكيد الأوربى مش العربى خالص القنوات دى
ايه كمية الإنحراف والفساد ده
فعلاً إذا لم تستحى فأفعل ما شئت ودول لا حياء بجد خالص
ربنا يرحمنا ويهديهم
ده انت تبص للشباب متعرفش تقوله يا توتى ولا تقوله ايه
والعكس تبص لبعض البنات اللى ماشين فى الإتجاه المعاكس ومسترجلين فيها
متعرفش تقولها يا برعى ولا ايه
الواحد بكده يمشى بشهادة ميلاده فى جيبه
بقينا فى زمن ميعلم به الا ربنا
الله المستعان
ميرسى للحوار ده
ومن العقل الكبير للعقل الأكبر يا سيدى
هههههه
أختك
amicitia = M

ههههههههه لا أكبر ولا حاجه وربنا يهدى الجميع الواحد بجد تعب من المناظر دى وبيقول طب فى ايه بكره ممكن يحصل اكتر من كده يلا
الخير فى وفى امتى الى يوم الدين كما قال رسول الله صلى الله عليه وسلم اينعم الفساد زايد اوى اوى بس ممكن نقدر نغير لو كل واحد غير اللى حواليه وربنا يكرمك على التوبيك ده
اخوكى معتز

يا رب يا معتز
تختفى الأشياء دى
وتبقى زى فقاعات الهوا
تختفى بلا أثر إن شاء الله
وفعلاً دوام الحال من المحال
وأكيد هيجى يوم نغير السلبيات اللى حوالينا
بس هنبقى محتاجين نغير من نفسنا الأول ونعدل نظرتنا للحياة
ونتعود نكون إيجابين
لان السلبية هى الداء الأساسى اللى لازم نتخلص منه بجد
ربنا يرحمنا
أختك
amicitia

برافو عليك
كومنت اكتر من هايل ويا ريت كل الشباب بيفكروا كده
انت اتكلمت بصراحه وبموضوعيه وانا بحي فيك ده
وجزاك الله خيرا ونفع الله بك
سبحان الله وبحمده
سبحان الله العظيم

أهلاً بك يا على
وشكراً لتعليقك وتفاعلك الإيجابى مع الموضوع ده
وكمان كويس انه شهد شاهد من أهلها يعنى حضرتك شاب وأكيد شايف بردو لان فى اخوانا هنا بيقولوا عمرهم مشفوا نوعية الشباب دول حسيت انى عايشه فى كوكب تانى وبحكى عن حاجه انا لوحدى اللى شايفاها
ربنا يرحمنا بجد يا ريت يكون فى حل للمسأله
والشاب يفضل كما خلقه الله بصفاته كرجل ولا يتشبه بالفتيات لا فى لبس ولا فى طريقة كلام ولا فى سلوك يعنى
لان المسأله لو تقف عند المظهر الخارجى لا بقت كمان للسلوكيات الشخصيه للشباب
ربنا يصلح حال الأمه
وجزانا وإياكم كل الخير أخى الكريم
أختــــــك
amicitia

ميرسي خالص علي كلامك الجميل ده
واتمني ان كل البنات بيفكرو بالطريقه ده
لو ده حصل مش هيكون فيه نفاق وكل واحد هيبان من خلال افعاله مش من خلال مظهره علي فكره احنا كعرب كويسين جدأ بس علينه شويه رتوش زي معدن الذهب لما يكون عليه تراب يتمسح من الراب يبان الذهب علي العموم انا اسف للاطاله وجزاكي الله خيرا واسقاكي من يد نبيه الكريم شربه ماء لا تظمأي بعدها ابدا
سبحان الله وبحمده
سبحان الله العظيم

أخى على جزاك الله كل الخير
لمرورك وردك الجميل
وفعلاً لازم كلنا نبقى ايجابين وصرحاء من نفسنا ونقول اللى لينا واللى علينا والله بجد حالنا هيكون احسن
بدل ما احنا دايماً بنقول على نفسنا بالكلام احنا احسن شعوب الأرض ما ان ده مفروض نأكده بالفعل مش بالكلام وبس
وفعلاً احنا كعرب كويسين اوى بس محتاجين نشيل مش بس التراب لا طبقة الصدأ على قلوبنا وعقولنا وضمائرنا كمان
وربنا يكرمك ويجازيك كل خير يا أخى الكريم
تقبل الله منا ومنكم صالح الأعمال فى تلك الأيام المباركة
نسألك الدعاء لى ولسائر المسلمين بصلاح الحال


أشكرك لمرورك الكريم وتعليقك المفيد والإيجابى
أختك
amicitia

شكرا كتييييير علي الدعاء الجميل وانا والله دعتلك في ظهر الغيب
وادعو الله ان يهدينا الي ما يحبه ويرضاه

الشكر لله عز وجل
وجزاك الله كل الخير
ولك بمثل ما دعوت لى وأكثر إن شاء الله
وانا ادعو معك الله بصلاح الحال
وان يتقبل منا ومنكم صالح الأعمال
أختك
amicitia

زى ما الشباب دة موجود فى غيرة بيسعى لتحقيق الذات لكن الرسول علية الصلاة والسلام قال فبما معناة (اخشوشنوا فان النعمة تزول

جزاك الله خيراً يا محمد لمرورك وتعليقك
وفعلاً زى ما النماذج اللى اشرنا ليها موجودة
فى نماذج كتير مشرفه جدا من الشباب موجودة وبندعى ربنا يكثر منهم بجد ومن أمثالهم
بس احنا لما بنتكلم عن الفئه دى من الشباب نقصد نقول ان ظاهرة الشباب اللى عايش زى الهيبز دول لازم تنتهى ده احنا عرب ومسلمين
واللى بيحصل ده شىء أوفر جدااااا
وكمان بستغرب احنا ليه دايماً نقلد الغرب فى اشياء عندهم عاديه ومناسبه لتقاليدهم ولكنها مش مناسبه لنا
وننسى نقلدهم فى الحجات الكويسه
وفى إلتزمهم فى عملهم ولحضارتهم المتقدمه علمياً وتكنولوجياً
على راى شخص ذكر فى مرة عبارة معينه لسه فاكرها لحد دلؤتى
بقول احنا يا عرب بنقلد تقليد اعمى
ومش بناخد من الغرب الا سورى يعنى زبالتهم
ونقلدهم فيها
ربنا يرحمنا

المشكلة ان احنا مفيش عندنا انتماء لان مفيش راى عام بيتزرع جوانا ولا جو عادل يخلى الشباب ميدورش ع الغرب فى اى حاجة
المشكلة فعلا فى ان دة هروب من الواقع

أحنا كده بنهرب من نفسنا
والشاب لما بيعمل كده
وأنا أسفه فى التعبير بيهرب من رجولته
الرجوله اللى هيه مسئوليه وإلتزام ومواجهة لصعوبات الحياة
وبيهرب بوسيله مش كويسه ابداً بالتشبه بالفتاه فى الكلام
والمصيبه فى التصرفات كمان
بدل ما يشيل مسئوليه نفسه واللى حواليه
يدور على اللى مسئول عنه بقاااا
شكراً لمشاركتك يا محمد
amicitia

انا كتبت فى الموضوع ده كتير واشتركت براى مع توبكات غيرى كتير بس للاسف بالفعل بقت ظاهرة غريبة جدا وللاسف بتنتشر وطبعا عشان الشباب بيتفرجوا على التلفزيون كتير وده طبعا عشان مفيش انشغال فى شئ تانى للاسف احنا عندنا ثروة بشرية كبيرة جبارة فيها قوة وحيوية وانطلاقة وطبعا عشان احنا بلد عجوزة وووشها مكرمش ومشلولين وبيحتضروا للاسف

شكراً لمشاركتك يا عماد
واحنا محتاجين نوجه الشباب التوجيه الصحيح
لاننا عندنا ثروة بشريه مهوله
لو توفرت لها الظروف الملائمة للعمل والإنتاج
واتوجهت صح
بجد هنبقى احسن الناس
وحكاية ان بلدنا عجوزة فأحنا اللى عملنا فيها كده وعجزناها
وهيه شابه بينا والزمن صعب يأثر فيها
ولو تفتكر قصيدة نجم عن مصر كان اسمها بهيه
كان حته حلوة أوى بيقول عن مصر
الزمان شاب وانتى شابه
هو رايح وانت جايه
جاية فوق الصعب ماشيه
وده مش هيحصل الا بأولادها بجد
مع الشكر
amicitia

عارفة انى سمعت مرة ان مصر تعداد الشباب فيها يعتبر 35 % من النسبة الكلية للشعب واللى فهمتة ان اللى عندة النسبة ده ومن شباب يعتبر ثرى جدا بس فى حالة واحدة لو عرف يوجهم

ثروة قوميه من الشباب
ولكن شباب بلا هدف فى الحياة
وبلا إمكانيات متوفرة
وبلا توجيه سليم
تبقى ثروه مهدره للأسف الشديد
نتنمى اننا نبقى قوه فعليه وبنائه بجد

للاسف انا مش عارف ده اوامر الغرب ولا اوامر الى مسكينا بس للاسف هى مشكلة كبيرة
شباب بلا طموح بلا اهداف بلا مبادئ
لية تفكترى انهم خايفين من قيام ثورة ولا عاوزن اية
بيمدونا بالمخدرات وكل ما يهلك الشبابا وياخروا سن الزواج لية ده كلة

أسئله إجابتها واضحه قدامنا يا عمدة
بس أحنا دايما بنحب نسأل ليه وأزاى
مع أننا عارفين وشايفين
احنا اكتر نسأل نسأل السؤال ونأكد فى نهايته على الشىء اللى عاوزين نفهمه
حاجه كده اسمها a question tag
ضياع الهدف - عدم وجود خطط منظمه - إدخال للبلد كل ما هو مهلك ومدمير لطاقة الشباب - بطاله - وبالتالى تأخر لسن الزواج لعدم وجود الإمكانيات المادية
يبقى ده مدبر
ولا لاء ويبقى اللى بيشارك فى المهازل دى من جوه ولا لاء حتى لو كان فى ايد من الخارج بتضرب وتأمر وتساعد فى ده
بس العيب اللى ماسكنها
والعيب الأكبر اللى عايشين وساكتين بجد
تصدق فى رباعيه لصلاح جاهين
بتألم الواحد كل لما بيقرأها
أنا شاب ولكن عمرى ألف عام
وحيد ولكن بين ضلوعى زحام
خايف لكن خوفى منى انا
أخرس ولكن قلبى مليان كلام
وعجبـــــــــــى!!!!

al sabab fy 7aga zay keda akeeeed tab3an al tarpya we al beet we ally zay dool akbar 3ekab lehom nazert al nas we al mogtama3 ally 7awalehom lehom.
vote

أولاً أهلاً بك يا محمد
واشكرك لتفاعلك ومشاركتك
فى الموضوع
وبتقف معاك ان أحد الأسباب الرئيسيه
هو التنشئة والتربية من داخل البيت
فهى يأما تربية صحيحه بتنشأ بها
راجل صالح فى المجتمع وانسان مسئول
أو تربية غير صحيحه
تخلق انسان غير مسئول عن الحد الأدنى من تصرفاته
ونظرة المجتمع أو الغالبية العظمى منه مش هنقول كله اكيد نظرة إنتقاد وإنتقاص للشاب اللى بيظر بالشكل والسلوك ده
وانا قولت غالبية المجتمع مش كله
لان الشباب ده بيمثل جزء من مجتمعنا اللى بنعيش فيه للأسف الشديد
ربنا يرحمنا
وجزاك الله خيراً أخى الكريم
على تفاعلك الإيجابى وشكراً لمرورك وللفوووت
أختك
amicitia

الموضوع لا زال قائم والظاهرة منتشرة كذلك فى المجتمعات العربية والإسلامية ونلاحظ ذلك ايضاً فى المجتمع السعودى وهذا رأى احد الأخوة انقله لكم

ميوعة الشباب .. ظاهره منتشره في الأماكن العامه .. وأكيد الخاصه ...
فما إن نذهب إلى سوق أو قرطاسيه أو قهوه أو بمجرد أن نجول بنظرنا على المركبه التي تمشي بجوارنا .. إلا و نشاهد العجب ...
هذا مطول شعره .. وهذا يحكي بنعومه لا متناهيه .. وهذا لابس تعليقات وسلاسل أشكال وألوان .. ناهيك عن طريقة تحريكهم لأيديهم " مدري أيديهن " ...
لدرجة مره من المرات شعرت أن الأخ الذي يقود المركبه بجواري هو الأخت فلان وأنا الأخ بنت المملكة ...
ما أسباب إنتشار هذه الظاهره برأيكم ... ؟!
هل هي كثرة جلوس الشباب في المنازل .. أم عدم المسؤوليه .. أم الغيره العمياء من الفتيات .. أم هو مجرد تقليد لأخواتهن ... !
بتنا هذه الأيام نفتقد إلى المرجله في شبابنا .. إلا من رحم ربي ...
كيف سلك شبابنا هذه الطريق المنحرفه عن الرجوله والشهامه ؟
ماهي الأسباب برأيكم و ماهي الحلول.؟
رجعوا لنا شبابنا .. ما صرت أشوف الا أخوات في الله في كل الأماكن والمحلات ...
أقترح على حكومتنا الرشيده .. بأن يكون هناك تجنيد إجباري .. ما فيه " يمه ارحميني " لجميع الشباب السعودي .. رجلهم وأنثاهم .. لتعود إليهم رجولتهم المفتقده أو للحفاظ على ما تبقى منها ...
فهذه النماذج «المائعة» سوف تُرسخ التخلف الذي تعيشه الأمة المسلمة، وسوف تُمكن الأعداء من تنفيذ خططهم بأقل الجهد والعناء،
فهل عندنا شعور بذلك وما الحل يا أولي الألباب؟!.
على ما يبدو انها اصبحت ظاهرة عامة ومستفزة ومستنفرنا لمشاعرنا كعرب لسنا معتادين على رؤية والتعامل مع تلك النماذج من الشباب
ربنا يهدى شباب المسلمين

ربنا يهدى ويصلح احوال شباب المسلمين

اولا تسلم ايدك الحلوة تا نيا المشكله مش بس في الميوعه المشكله اصبحت في الديوثه عدم الغيره اصبح الشباب الواحد منه يتبع نهيق الحما ر ولو يقدر يقلدوا بيقلدوا الانه اتبع وقلد وعجبوا والمجتمع رحب بيه كده

شكراً لكى يا فيفى
ومعاكى ان هذه الظاهره اخذت ابعاد اخرى فالغريب انها اصبحت فى مجتمعات مثل مجتمع السعوديه ايضاً بالرغم مما هو يتبادر لإذهاننا عن هذا المجتمع
ومعاكى ان هوجه التقليد الأعمى هيه اللى مسيطره على بعض الشباب بدون تميز مما هو مناسب لرجولته ومما هو يحط من شانه ويقلل من إحساسه برجولته والمسأله لما تقتصر على الشكل الخارجى فقط بل ذهبت لإبعد من ذلك وانعكست على سلوكياتهم
نسأل الله ان يهديهم ويهدينا
شكراً لمرورك يا فيفى

كنا زمان

Photo Image Hosting


واصبحنا اليوم

Photo Image Hosting

وماذا بعد ؟؟؟؟

its because of the community they live in..the people they hang out with.....sometimes, its the parent's fault for not teaching them well......mostly its because they think they r not good enough the way they r so they want to become like the Americans/ Canadians ......which is totally wrong

e7'talafat al asbab w almawt wa7ed
el osra w el mogtama3 goz2 la ytagaza2 w msh htfr2 kteer ayohom el sabab el asasy l2n el shabab 3ysheen ma3 osret-hom w fe mogtama3hom w maynfa3sh y3'yrohom 3ashan kda hya lazem tb2a 7aga nab3a mnhom homa 3awzen yb2o eh bzabt

وحشتنى توبكات امسيتيا

ندخل في الموضوع على طول

من زمان وفي كل عصر بتقال نفس السؤال

في الستينات مايكرو جيب للبنات وبنطالون ضيق للشباب

في السبعينات الحريم بيدخنو في الشوارع وبيرقصو تشا تشا تشا

في الثمانينات عربيات اخر موديل وموسيقى بوب وشباب بابي ومامى والراجل بياخد على دماغه في البيت

في التسعينات الاحتفاظ بالرجولة خارج المنزل حفاظا على الشكل العام ولكن في المنزل رجل هش دون المسؤلية امراة متحكمة

في الالفية الجديدة

سورى للى هاقوله بس ده الواقع

استفحال الشواذ في كل طبقات المجتمع ثقافة فسادة تقليد اعمى للغرب انتشار المخدرات بنطاق اوسع من قبل

وده كله راجع لايه

للثقافة الغريبة اللى دخلت علينا

ونستنا يعنى ايه لااله الا الله سيدنا محمد رسول الله

ونستنا
اتخاذ الرسول اسوة حسنة

تناسينا ولكننا لم ننسى

انتشار الجنس وغياب الفكر عن عقول الشباب على اساس ان المقوم الاساسي للامة هم الرجال اساس الامم الاسلامية على مر العصور هم الرجل والرجال قوامون على النساء بما ملكت ايديهم

ولكن الان ايديهم خاوية من الدين والعلم والثقافة

باتت عقولنا نافقة واروحنا ميتة

ياريت ما اكونش طولت عليكو وما اكونش ازعجتكم بكلامى واكون وصلت وجهة نظرى

وميرسي امسيتيا على التوبك الرائع

وطلب خاص ليكى عاوز اعرف معنى اسمك ايه :$

تحياتى

واللهى التربيه بتحكم بردو والمستوى الى هوى فى مع انى اعرف مستويات ورجاله وكمان ديه بتكو نفسيا او حاجه بيشكل فيها شخصيتو وهوى صغير يعنى هوى عايز يطلع ازاى ومع الوقت بيترسب ان المفهوم ده عندو صح او يعنى انو كويس
ومرسى على الموضوع الجرائع ده بس اتمنة ان كنت تتشعب يه اكتر يعنى تزيدو اثاره وتشويق
:)

أولاً أهلاً بك يا عمرو
وبشكرك لمرورك وتعليقك
وبتفق معك أن التربية ليها عامل رئيسى وكذلك التركيبيه النفسيه
والجانب الفسيولوجى له تأثير بردو يعنى فى شباب بتكون هرمونات الأنوثة مرتفعه عن هرمونات الذكورة نوعاً ما وده بيكون معروف علمياً ولكنى بتكلم عن تعمد الميوعه دى من الشباب
يعنى هو لازم يحط لبانه فى بوقه ويقعد يطرقع بيها أظن الشكل بيبقا مستفز اوى
لازم يلبس تى شيرت
ماسك فيه شبه البادى تحس أنه سلفه من اخته الصغيرة
ولا الألوان ولا حول ولا قوة الله بالله
وكمان هو علشان الشاب من عائلة ميسرة مادياً مثلاً يتشبه بالنساء فى اللبس ويقول موضه ومعرفش ايه
ولا هو جرى وتقليد اعمى للغرب وخلاص
بصراحه الموضوع ده يطول الشرح فيه
وكنت اتمنى ان اللى يعملوا يكون شاب بالموقع
ومكنتش اقدر اتعرض لتفاصيل أكثر هتبقى محرجه للناس يعنى
وانهى كلامى بحديث رسول الله
عن علي (ع)، انه راى رجلا به تانيث في مسجد رسول اللّه (ص) فقال له: اخرج من مسجد رسول اللّه (ص) يا من لعنه رسول اللّه (ص)، ثم قال: سمعت رسول اللّه(ص) يقول: «لعن اللّه المتشبهين من الرجال بالنساء، والمتشبهات من النساء بالرجال‏».

مع الشكر
amicitia

انا معاك فى كل الى قلتو بس لاحياء فى الدين ولاحياء فى العلم
انا اقلك حاجه كمان فى ناس ممكن بتتعمد انها تعمل كده كمان بقصد جزب الطرف الاخر ليه وللاسف فى بنات كتير بتحب ده وده ممكن يشجع الشب انو يتماد فىده وممكن كمان خلاص تبقى شخصيتو الموضوع مش موضوع مادى ولا اجتماعى هوى نفى اكتر منو اى حاجه
ولا رايك ايه؟

شكراً لتعليقك يا عمرو بس على فكرة انا لما قولت يا ريت اللى كان عمل الموضوع ده شاب كان هيقدر يناقشه بتفاصيل اكتر بدون إحراج لانى أصلاً مش راجل يعنى انا بنت
دى حاجه
اما مسأله ان الشباب ممكن يتمادى فى الحجات دى بتشجيع من البنت ممكن بس امتى يحصل ده
لما تكون ثقته فى نفسه منعدمه او مهزوزه يعنى
هو ايه اللى يخليه يعمل كده علشان يرضى بنت ظززززززززز
فيها بجد وفيه هو كمان لو اتحول لأمعه ماشى كده وخلاص ويرضى رغبات سيادتها ليه يعنى
مش بنقول الشاب ميهتمش بمظره ولا يمشى مبهدل
البس زى ما انت عاوز بس متتشبهش فى لبسك بالنساء يعنى
والأهم فى التصرفات الراجل راجل والمرأة هيه المرأة لكل واحد طبيعته اللى ربنا خلقه عليها
والله انا شفت نوعيات بشر فى Auc Lib
حدث ولا حرج
متعرفش ده راجل ومتستت ولا ايه سستم سعته
لدرجه انه فى داخل المكتبه\ اتعرضت لموقف محرج
واحد واقف مدينى ظهره وسدد المدخل مسكته من دراعه على انه بنت وبقولو عن اذنك يا أنسه بيلتفت اتلاقيت
تحت منخيره خط كده تقريباً شنب مع انه زى ميكون حد رسمه له بشحم ولا حاجه lol
انت متخيل انك متعرف تميز بين الشاب والبنت من ضهره
ده مشكله بجد
ومش بقت مشكله مظهر خارجى وبس وتشبه بالبنات دى بقت سلوكيات شخصيه كمان
لا ربنا يرحمنا
وبلاش أكمل لحسن شكلى هلبخ الدنيا
وعلى فكرة فى بنات كمانمسترجله وبتلبس وبتتصرف زى الولاد
يعنى معلش احنا بردو مش ملايكه يعنى
كل موضوع بنقول ما له وما عليه يعنى
ولنا تكمله
وشكراً يا عمرو

لالالا كمل عادى انا شت بره اوسخ من كده بزات الجماع الفلبنين
بس كده انتا بتطرق فى مواضيع تنيه وعمتا ربنا يستر على شببنا وعلى الامه كلها
وفوووووووووووووووووووت

يا عمرو اللى بتشوفه بره ده عادى بالنسبه لمجتمعهم
إنما احنا عرب ومسلمين هيه ملهاش أعتبار عن الناس
ما انا ليا زميل فى نفس تخصصى والراجل ألمانى ومطول شعره ومعرفش عامله أزاى لو مشى هنا فى الشارع هيتعرف انه اجنبى وده عادى فى بلدهم الشكل ده بس تصدق أحنا بالنسبه لنا المسأله انتقلت من المظهر الخارجى وتشبه الولد بالبنت للسلوك الشخصى
والمواضيع التانية اللى بتقول تطرقنا ليه هيه تبعها بردو أو من التبعات الخاصة بها بجد المسأله مشبكه فى بعض يا عمرو
وفعلاً ربنا يستر على شبابنا وينور بصيرتهم
أصل لو بلدنا هتطور ولا تفوق من اللى هيه فيه مش هتفوق بدول يعنى
محتاجه رجااااااااااله قلباً وقالباً وأنا أسفه انى بقول كده
بس دى الحقيقه
وشكراً لتعليقك
أختكم
amicitia

thx
:D:D:D

انا شفت شباب نقدر نقول عليه عبيط ماشى اهبل ممكن
بس مايع ماشفتش شباب من النوع ده

أهلاً بك أولاً يا cloud
بس هو تقصد ايه بشباب عبيط ولا أهبل
لانها مش واضحه العبارة دى بالنسبه لى
أما مسأله الشباب المايع ده موجودة للأسف الشديد
انا شايفه ان انت من المحلة يمكن طبيعة المكان اللى بتعيش فيه
مش بتشوف فيها النوعيه دى منتشرة بس موجوده فى القاهرة
ولو انت بتقول بتشوف شباب مستهبل ومستعبط وفيه كمان شباب مايع
تقدر تعتبره
3rd generation
الجيل الثالث من الجيلين السابقين المستهبل والمستعبطlol
عموماً شكراً لتعليقك واللى يعيش ياما يشوف
ابقى انزل القاهرة على سبيل المثال يوم وأنت تشوف شاب متعرفش تقول يا أيه يا أستاذ ولا يا أنسه
ربنا يرحمنا
أختكم
amicitia

انا معاكى فى الكلام ده
وانا شفت منهم فى القاهره واسكندريه وفيه كمان من المحله
بس انا مش بسميها ميوعه
انا بسميها جهل وتقليد اعمى للاجانب
مش عيب انى اعمل نيو هير كت
بس ابقى راجل الناس تشوفنى تقول عليا راجل على الاقل فى تعاملاتى معاهم
ويارب يكرمك يارب ويبارك فيكى
اخوكم
cloud
:)

ممكن نختلف فى المسميات يا كلاود
بس بجد ميوعة ولا جهل ولا تقليد أعمى للأجانب
كلها تؤدى لنتيجه واحده وهيه وجود الظاهرة دى فى مجتمعنا
وانا بقول ظاهرة لانى اتمنى انها تختفى للأبد
بإنصلاح احوال الشباب دول
وكمان زى مقولت مش معنى كلامى
ان الشاب يمشى مبهدل ولا حاجه
لا انا قولت البس لبس يناسبك كرجل
وكمان يتناسب مع المجتمع اللى انت عايش فيه
بيتهيألى ده المنطقى
وعموماً أنك تهتم بشكلك ده مش عيب
بس العيب انى اقلد موضه ولا حاجه طالعة جديد
مش مناسبه لى سواء كنت رجل أو إمرأه
يعنى مش تقليد والسلام لازم يكون عندى ادنى انواع التميز
منبقاش عملين زى السفنجه اللى لو جه عليها شويه مايه بتمتصها بالكامل
لازم نعمل فلتره لأى هوجه ولا موضه ونشوف ايه اللى يناسبنا وايه اللى مش يناسبنا
وكمان يا ريت ده جه على اد المظهر الخارجى وبس
لا ده انسجب على تصرفات الشباب
نعومية الصوت والضحكه اللى سورى يعنى حريمى أوى
وبتصرف ونسى أنه رجل
ربنا خلقة رجل مش فتاه
وأخيراً ربنا يهدى شبابنا
أختك
amicitia

ربنا يبارك فيكى يارب
بجد كلامك جميل ومتزن
ولو فيه ناس كتير بتفكر زيك كان حالنا اتصلح وبيقنا احسن من كده بكتير
ويارب دايما تفيدينا بتوبيكاتك الحلوه
cloud
:)

ربنا يبارك فى عمرك يا كلاود
وكل سنه وانت طيب وإلى الله أقرب
وأتمنى والله أن أحوال الشباب تنصلح بجد
لانهم هما العمود الفقرى للبلد دى
واللى منغيره البلد هتسوء أحوالها أكتر وأكتر
ولازم كل شاب يقف مع نفسه ويعملها كشف حساب
ويشوف ما له وما عليه
وايه الصح وايه الخطأ فى كل شىء فى حياته
والله لو رجعنا نفسنا
وغيرنا السلبيات اللى فينا
هنبقى أحسن الناس وأحسن الشعوب
لان المصرى فعلاً بذرة طيبه بجد
ومعدن اصيل وده مش تحيز حقيقى ده حقيقه
لو أتحط فى مكان صالح هيعمل حجات كتير جداً
يا ريت نقف مع نفسنا ونفكر
وربنا يهدينا ويصلح احوالنا واحوال شباب المسلمين
شكراً لك يا كلاود
على مشاركتك وتفاعلك الإيجابى الجميل مع الموضوع
وربنا يكثر من امثالك ويبقى عندنا شباب عقلهم مستنير زيك
فى امان الله
أختك
amicitia

وانتى طيبه وبخير وسعيده دايما يارب
ويارب يبارك فيكى ويعزك وينصرك دايما يارب
والمصرى فعلا معدنه اصيل بجد والا ماكنتش شفت منه واحده زيك بتغار على بلدها وعلى شعبها وعلى دينها
وشكرا ليكى على توبيكاتك الجميله اللى دايما بتناقش مشاكل بنقابلها
اخوكى
كلاود

ربنا يعزك ويزيدك من فضله يا كلاود
ويكثر من الشباب الصالح اللى زيك بجد
وكل سنه وانت طيب
ويا رب عيد سعيد عليك
وعلى سائر المسلمين
فى مشارق الأرض ومغاربها


اختكم
amicitia

بصراحه يامانانا عمري ماشفت معظم النوعيات اللي انت بتتكلم عنها دي
صحيح ممكن يبقى في شباب ماشي بيتمايل
بس ماشفتش شاب مطول شعروا لبعد كتفوا في مصر
وفين بقى الشباب اللي بيستخدموا مستحضرات التجميل دول؟
انا عمري ماشفت ولد ماشي في الشارع حاطط مسكره ولا اي شادو عشان نقول بيستخدموا مستحضرات التجميل.....
بس غير الموضوع دا كللوا ياجماعه انا ملاحظ حاجه غريبه جدا
كل مانلاقي حاجه مش عاجبانا في مجتمعنا نقول الغرب الغرب الغرب
زي مانت بتقول دلوقتي مصطلحات البرستيج والستايل من الغرب.
على فكره الغرب اللي عملينوا شماعه بنعلق عليها كل حاجه وحشه في مجتمعنا للأسف احسن مننا بكتير بس انا اللي مش شايفين كدا.
وبعدين ليه لما احنا شايفين الغرب وحش اوي كدا بناخد معظم او يكاد يكون كل طباعهم؟
اسف للاطاله

شكراً لك يا كريم على تفاعلك مع الموضوع
بس على فكرة النماذج دى فعلاً موجوده
جايز انت مصادفتهاش بس موجوده
وفى مصر ويمكن الأخوه اللى علقوا على التوبك
كلامهم يأكد ان الكلام ده مش أحلام اللى انا بقوله
شايفين زى ما انا شايفه
وتسمحلى أعلق على النص التانى من كلامك
مش معنى كلامى وانى بقول ان الشباب بيقلد منغير تميز وانه بياخد من الغرب
أنى بعمل الغرب شماعه
بالعكس هو متميزين جدا فى عملهم وفى تفكيرهم البناء
عاوزين يحافظوا على التقدم العلمى اللى هما وصلوا له
وده يحسب ليهم
لكن فى اخلاقهم هما مش احسن مننا ولا حاجه معلش
احنا يمكن عقولنا اللى مداينا فى داهيه
اننا بنقلد وخلاص وبناخد على رأى بعض الناس زبالة الحضارة الأوروبية والمصيبه بنتفاخر بده
أحنا اخلاقنا احسن ولا نقل ذكاء عنهم
بالعكس ابرز العلماء المصرين هتلاقيهم مبدعين جدا فى الخارج
ده حصل ليه لانه اتوفرت ليهم ظروف للعمل والإبداع فنجحوا
والغرب نفسه بيعترف بيهم كعلماء
الغرب متقدمين علمياً
وحضارتهم وصلت لقمة التوهج العلمى بس فى الوقت نفسه وصلت لقمة الإنهيار الأخلاقى
وده بأعترفهم هما شخصياً وبيحاولوا يغيروا من ده بقدر الإمكان
لانهم خايفين الإنهيار الأخلاقى ده يدمر حضارتهم وتقدمهم العلمى
احنا أفضل لو فكرنا صح
وتعودنا ناخد بالأسباب ونأخد الشىء النافع والصالح لينا
ربنا يهدينا جميعاً
أختك
amicitia

بصراحه يا اختamicitia
انا مش مقتنع بكلامك انو في في نوعيات من الشباب بالمنظر دا.
انا اتعملت مع شباب مايلين فعلا للميوعه بس مش لدرجه مستحضرات تجميل والحاجات دي.
النقطه التانيه انك بتقولي ان الغرب في منتهي الانهيار الاخلاقي,
اسمحيلي اقولك في ناس من الغرب اخلاقهم احسن من اخلاق العرب والمسلمين بآلاف المرات, زي مافي منهم الضايع والكويس في بردوا عندنا الضايع والكويس, انا اتعاملت مع ناس منهم كويسين جدا مش لازم يكونوا كلهم ماعندهمش اخلاق. بالعكس في عرب اخلاقهم ضايعه اكتر من الغرب بكتير
وللاسف زي ما انتي بتقولي احنا فعلا بناخد زباله الغرب ومابنحاولش نشوف الكويس فيهم وناخدوا.
وياريتنا بنحاول نحسن من نفسنا لأ دا احنا بنحاول نبوظ نفسنا اكتر وبدل مابنلوم نفسنا بنلوم الغرب.
�