نحو الهدف 6 ( مكالمة تليفون

مكالمة تليفون
مكالمة تليفون بيها بتتفتح بيوت وبتقفل بيوت وبتدمر اسر
مكالمة تليفون رغم بساطتها لكن اثرها قوى
اربع مواقف على كل بنت تختار تحب تكون اى واحدة فيهم وازاى بتقدر تحقق ده
هو ببضرب الرقم بغض النظر هل قاصد او رقم غلط او واحد صاحبه قايله عليه
الموقف الاول
هى :الو
هو (الله صوتها حلو قوى يجى منها ): الو ممكن اكلم فلان
هى : مين
هو : بتاع المينامين
هى : هههههههه (وممكن بعدها قفل السكة او كلمة باى او مع السلامة )
هو ( مسيرك تيجى ) ويعاد الاتصال مرة اخرة فى نفس الوقت او فى وقت اخر او من موبايل اخر وبعد الفشل فى الوصول اعطاء الرقم لصديق اخر للمحاولة خد ده رقم بت حكاية شوف شغلك بقى وهلم جر
كلمة الو بيظهر فيه رقة الصوت وبيظهر كرقيق او ضعف واستكانة حسب الشخص المستمع نظرا لبساطته وسرعة قوله فلا يكون هناك فرصة لابراز نضج الفتاة من خلاله
الموقف الثانى
هى: الوووووووووو( بصوت عذب رنان يضعف من امامه مهما كان
هو( البنت دى رقيقة قوى + شعور بالاستجمام من الصوت) : الو
هو:فلان او فلانة
هى : مين؟( يذداد احساسه برقتها ويزيد اصراره على التعارف )
هو ممكن اعرف مين معايا هى : انت عايز مين ( واى شى مشابه)
هو ( وباصرار اكثر ) : طب ممكن اتعرف بحضرتك
هى : ليه
المهم بعد فترة من المداولات او تعدد المحاولات يتم التعارف
الموقف الثالث
هى : الوووووووووووو( بنفس رقة الصوت )
هو : ( اشطة البنت شكلها ليها فى اللون ويجى منها ): الو ازيك عاملة ايه
هى : الله يسلمك بس مين معايا
هو ( بمحاولة التاثير على المشاعر ): على فكرة صوتك رقيق قوى انا سعيد قوى انى سمعته
هى : ميرسى بس مين معايا بجد انا مش عارفة
هو : ( ميرسى! اشطة اهى جت ) : وتعدد الاسطوانات وتختلف وهى تظل مستمتعة بما يلقى على مسامعها وفى النهاية الهدف يتحقق وتتواجد العلاقة والتى اساس بناءها هو مداعبة الاحاسيس الشى الذى لايجعل هذا الشخص يكن لها اى ثقة او احترام فكم من الاف يطلبون الرقم خطا وكما تجاوبت معه تتجاوب مع الاخر ولكنه لايعنيه ذلك فهو يريدها يومين او تلاتة وبعدها هو بنفسه سيوزع رقمها على باقى اصحابه ويبقى زى هدية والكل يعيش
الموقف الرابع
السلام عليكم ( مهما كان شدة رقة صوت الفتاة او نعومته الا انه يظهر جديتها فى الرد من عدمها وليس فقط الاحساس المستشعر من الو
هى : السلام عليكم
هو : وعليكم السلام مش ده رقم فلان
هى : لا والله النمرة الغلط
هو : اسف ليكى
وياحبذا لو كان السلام عليكم ورحمة الله وبركاته فان لم يكن لفظ السلام عليكم قادر على
طرد اى هاجس شيطانى بداخل المتصل فان احتمال طرده برحمة الله وبركاته سيكون اقوى مع الجدية فى الكلام وعدم اعطاء الفرصة للاطالة
اشياء سلسة جدا بمنتهى البساطة ممكن تتداركها البنت لتبعد نفسها عن الخوض فى مثل هذه التجارب
وليس من العقلانى ابدا اخذا تجربة حدثت بان تم ارتباط وزواج من خلال مثل هذه المواقف بعين الاعتبار فى الحكم فيها لان مشاعر البنت ومايليها من علاقات ليس بالشى البسيط ليطرق مجال صدفة كهذه فى مثل هذا الوقت على الاخص
زادت وتزيد يوما بعد يوم مصطنع او بشكل طبيعى
مخنوق يتصل باصحابه مش لاقيهم يضرب اى رقم والسلام ويسلى نفسه واكيد معظمنا لمس موقف زى ده وان كان امتد دى الوقتى للعكس والاتصال من الفتيات
اي موقف تحبى ان تكونى فيه وازاى بتحققى ده
هو ده سوالى
وسوالى لكل واحد كلمة يقولها لكل بنت تعمل ايه فى موقف زى ده او تنبيه لطريقة بيستعملها الشباب فى ذلك ومتخدش البنت بالها منها وتقع فى علاقة من دى
ومعها رجاء
لكل واحد من غير مايشعر بقيمة وفظاعة الشى ده وبيعمله
ان تخيل انك ممكن تبقى السبب فى هدم بيت واسرة وكيان بسبب اتصالك الخطاء او اى رقم والسلام خاصة وان وقع مع زوج شكاك او غيور وخاصا لو وقت متاخر
تخيل انك لو بتحصل على علاقات بالشكل ده وجه فى يوم قاعد انت وزوجتك او اختك وجالها تلفون رفعت السماعة ماردش عليك هيكون تصرفك واحساسك ساعتها ايه رغم انها يبقى ملهاش ذنب لكنه الشطيان اخى الفاضل
او انها ردت فقلت السكة وخوفها من غيرتك خلاها تقول اى حاجة وخلاص ودخل الشك قلبك
ماعتقدش ابد ان فى شى فى الدنيا يستحق ده يحصل وتتحول حياتنا كلها لشك وعدم ثقة احنا الى بنولده لنفسنا
ويارب الافاقة