تنقية(قايمة الاصدقاء

بتعجبنى قوى جملة بيقولها الاجانب لما حد يحاول يضيفهم على زوربيا قبل ميعرفوه
تقول من احترامى لاصداقائى الى فى القايمة انى ماضفش ليهم حد ماعرفش لسه ان كان زيهم ولا لا او جدير بالصداقة دى او لا
كان نفسى يوم اشوف الجملة دى من بنت مصرية عربية
لكن الملاحظ لو سالت بنت عن فلان الى عندها فى القايمة تقولك انا مش اعرفه ولا اعرف حد منهم اصلا ولا باكلمهم ده هو بعت تعليق وطلب اضافة ووافقت
ياجماعة القايمة دى اسمها قايمة اصدقاءك
مش اصحاب حتى لا اصدقاء
يعنى مش ببساطة كدا
هاى فلانة
هاى انت
ممكن اضيفك
طبعا ممكن وتشرفنى
طب ازاى
على قدر تعب الشخص فى اختيار البيئة المحيطة بيه على قدر السعادةوالراحة الى بيجدها
رجاء بجد
وطبعا ده للبنات لان حسب مالاخت رشا قالت هن سبب البلاوى
كل بنت تضيع من وقتها ربع ساعة وتعمل تشك على الناس الى عندها فى القايمة
الى متعرفوش الى كان بشكل واصبح بشكل تانى الى اتغير الى حط صورة مش كويسة
تمسحه طالما انها لاعلاقة بيه
ياريت نوصل ان يبقى قايمة الاصدقاء دى هى احد الدلائل على شخصية صاحب الصفحة وصدقونى ده بيكون له اثر كبير جدا فى الحصول على علاقات جيدة
وكمان لان الاضافة وخلاص كدا بتخلى عندك عدد كبير جدا من الناس والى مش بتقدرى تاخدى بالك منهم ان كان فيهم حد وجوده عندك يسىء ليكى
ومثال
واحد دخل صفحة بنت لقى واحد عارف مثلا ان سلوكه مش كويس يقول اه يبقى البنت دى زيه مدام تعرفه ويعاملها على هذا الاساس ويبقى كدا حطت نفسها فى موقف ازعاج من غير داعى
فياريت بجد نحاول نعمل ده كويس قوى
وتبقى قايمة الاصدقاء بس فعلا للناس الى نعرفهم كويس ساعتها مثلا يبقو خمسة او ستة وده العدد الطبيعى لاصدقاء الشخص
من ست اشهر طلعت بنت قالت على بنت انها راجل لما كلمتها على الايميل محدش خد بكلامها ولحد الان البنت دى موجودة
الغريب بقى ان كل البنات الى عند البنت دى كل متسالهم محدش يعرف عنها حاجة
دى بعتت تعليق دينى وبعدين طلبت اضيفها فلقيت صفحتها كويسة فضفتها
وخلاص ومحدش يعرف عنها حاجة
لو فكرنا كويس ايه السبب وراء ان راجل يعمل بروفيل بنت على المدى الطويل ده ومش بروفيل اباحى ولا حاجة لا ده بروفيل دينى على رومانسى كدا ويدخل على كل بنت تدخل الموقع جديد ويضيفها
اكيد ساعتها هنعرف اهمية تنقية قايمة الاصدقاء دى ولانها هتبقى حماية للبنت نفسها وبعد عن الشبهات وكمان تبعد عن انها تكون بتساعد فى انتشار الشر مثلا زى صاحبنا ده فى تحقق هدفه الخفى اى كان الهدف ده
بكدا مش مهم بقى نوصل ان كان ده راجل فعلا ولا بنت
احنا نعمل الى علينا وخلاص
ربع ساعة من وقتك تعمل تشك على القايمة هيوفر عليك حاجات كتير قوى
ويارب الافاقة