1/20/2008 1:42 PM يوميات طفل شارع ..الجزء الرابع (7 Comments)
- ♥SoMa♥
- 20, Egypt
يوميات طفل شارع ..الجزء الرابع
glitter-graphics.com
1
يوميات طفل
2
يوميات طفل ..الجزء الثانى
3
ضروورى يا شباب
4
يوميات طفل ..3
يا جماعه تقريبا احنا عرفنا سيد فين
الحمد لله
وزى ماحكالى مصطفى حقولكم ايه اللى حصل معاه اليومين اللى فاتو
دول
تابعونا
.
.
.
.
.
.
.
.
.
.
.
.
.
بعد ما خلصت كلامى مع الظابط أيااااااه
رحت على نفس المكان اللى كنت بلاقى سيد فيه
لكن مفيش فايده
يوم والتانى وبرضه مش لاقيه ولا هو ولا اى حد من الاطفال التانيين
كان لازم ارجع تانى لأمين الشرطه
لانه كان واضح من كلامه انه يعرف الولاد دووول
وممكن يكون عنده معلومات عنهم
وبالفعل رجعتله
ودار بينا الحوااااااااااااار ده
.
.
.
.
.
.
- السلام عليكم
- وعليكم السلام
- ازيك يا امين عادل؟؟
-الحمد لله ... بخير أؤمر
- الأمر لله... انا مش عارف انت فاكرنى ولا لا
انا كنت هنا مع حضره الظابط من يومين لما سألك عن العيال اللى
كنتم قابضين عليهم اشتباه دووووووول
- آآه ... مالهم بقى؟
- كنت عاوز اسألك عليهم ممكن الاقيهم فين بالظبط
- وانا اعرفهم منين يعنى ... هو انا قريبهم ؟؟
دول شويه مجرمين ومتشردين من الشارع
-مانتا اللى قبضت عليهم وتعرف اماكن تواجدهم
- اسف ... دى اسرار امنيه وبعدين انا مش فاكر
- طيب ما تحاول تفتكر كده انتوا بتلموهم منين وانا برضه عنيه لييييييك
- طيب بص ... الواد اللى بيضمنهم على طول حته واد بلطجى كده اسمه جابر
ده بيبقى موجود يوماتى على غرزه فى الضاهر ممكن اديك عنوانها وانت روحله بقى
ووهو اكيد يعرف مكان العيال دول
- طيب خير
- بس خلى بالك العيال دول بلطجيه وفيهم كتير مسجلين خطر
- ربنا يستر
" ووضعت يدى فى جيبى واخرجت منه عشره جنيهات واعطيتها للأمين فى يده "
- توشكر يا امير... احنا فى الخدمه .. ودى نمره تليفونى لو حد
اتعرضلك هناك ولا حاجه
اتصل بيا بس وهاتشوف هاعملك ايه فيهم
- متشكر جدا
" واخذت منه العنوان ونمره التليفون وانصرفت على ان اذهب الى هذه
" الغرزه" ليلا
وهو الوقت الذى يتواجد فيه" الاستاذ" جابر البلطجى "
...............
بعد ما اخدت العنوان من امين الشرطه
قررت انى اروح اشوف المكان اللى قالى عليه
ايوه
الغرزه
كان الطريق ليها مش سهل خالص
قعدت ادخل فى حوارى
واطلع من حوارى
واسأل فى الناس طول مانا ماشى
بس واضح ان الغرزه دى مشهوره جدا فى المكان ده
لحد ما وصلت ليها
واجهتها مبنيه بالخوص
وليها بوابه صغيره
لازم توطى وانتا داخل
لكن من جوه واسعه جدا
وكل واحد فى حاله
بيعمل اللى يريح مزاجه
اللى بيشرب شيشه
واللى بيشرب سجاير وباين من الريحه انها مش سجاير عاديه
واللى بيلعبوا كوتشينه
بس اكيد قمار يعنى
بس الصفه الوحيده اللى مشتركه فيهم كلهم
انهم تايهين
محدش عارف يصلب طوله
ولا يقف على رجليه
قعدت ادور بينهم
لحد مالقيت واحد ممكن اسأله على اللى اسمه جابر
وكان ده اللى حصل
- انت يا جدع انت
" بص الراجل وراه ولما مالقاش حد غيره رد عليه"
- انا؟؟؟
- ايوه انت ... خد تعالى
" من الواضح انه افتكرنى من الشرطه
وطبعا انا حمدت ربنا انه افتكرنى كده
عشان اعرف اتعامل معاه"
- اؤمر يا باشا
- فين جابر اللى بيقعد هنا؟؟؟
- جابر مين يا باشا؟؟
- انت هاتستعبط؟
- جابر اللى بيقعد هنا على طول
- اااه ... قصدك جابر السبكى
- ايوه هو ... هو فين؟؟
- اهو مرزوع جوه يا باشا
ثوانى اناديهولك
" وراح الراجل ينادى جابر وواضح برضه انه فطمه على انى من
المباحث ومفيش دقيقه وخرجوا الاتنين ولقيت اللى اسمه جابر ده
بيكلمنى"
- ايوه يا باشا
- تعالى عاوزك
- خير اؤمرنى
- فيه واد كان من الشباب اللى مقبوض عليهم اسمه سيد
عاوزه
- خير يا باشا... سرق منك حاجه ؟؟؟
- لا عاوزه ... هو فين ؟
- اهو كانن يا بيه هو والعيال التانيين شويه عندى
- طب تعالى ودينى ليه... عاوزه
- يا باشا قولى ... لو عاوز حاجه منه انا اقطعهولك واجبهولك لحد عندك
- قلتلك ماعملش
- انا عاوزه فى كلمتين وهاسيبه
- اللى تشوفه يا باشا
- يلا تعالى ودينى هو فين
- يلا يا باشا
" وقعدنا نمشى بتاع خمس دقايق لحد ما وصلنا لشبه شقه كده فى الدور
الارضى ... قام جابر منادى على اللى جوه"
- حوده ... افتح ياض
- وفتح حوده
................
اسئله للنقاش عن المشاهد السابقه
3- تفتكر مصطفى صح ولا غلط لما عطى الامين فلوس عشان يقوله على مكان جابر؟
وتفتكر فيه حد من الامناء بتوع الشرطه بيخدم الشعب مجانا بجد؟؟؟
4-لو انت مكان مصطفى كنت هاتروح الغرزه دى ولا كنت هاتقول لا كفايه كده اللعبه دخلت فى الجد؟؟؟؟؟؟؟
5- كنت هاتتصرف زى مصطفى مع الرجاله فى الغرزه ولا كان عندك
اسلوب تانى تتعامل بيه معاهم؟؟؟
aaaa - ssss
1/20/2008 6:27 PMRe: يوميات طفل شارع ..الجزء الرابع
اليوميات دي بجد جميله وخاصة انها من الواقع وحصلت فعلا يعني مش من وحي الخيال
انا متابعاها بس يمكن الجزء التاني واقع مني
بس ان شاء الله حقراه
حكاية ان مصطفي رشي الضابط
الموضوع ده مع انه مرفوض الا ان الظاهر بقي لازم في مجتمعنا انه يتعمل
ومنقدرش نلوم مصطفي في اللي هوا عمله عشان ده امر واقع
لو انا في موقفه لو اتحلي بصفة الشجاعه والجراءه اعتقد ان انا حكمل اللي بداته
الطريقه اللي اتعامل بها طريقه تتحلي بالذكاء وده شئ كويس
اتمنالك التوفيق
وياريت الجزء الخامس يييجي بسرعه عشان انتي شوقتيني :)
سلام عليكم
1/20/2008 8:59 PMRe: يوميات طفل شارع ..الجزء الرابع
وانا اصلا مش متابع المواضيع ده الموضوع الوحيد اللي شدني من عنوانه وكان كلام جميل اوي والموسيقي فعلا معاه اتمني ليكي الفوز
بصي بقي بالنسبة للاسئلة
هوه طبعا ده غلط ان اعطي ليه فلوس وده حرام والكل عارف ان ده حرام بس في حاجة الباشمهندس عرف كده من اول انه عايز حاجة فلوس يعني فقاله كلمة اراضيك وطبعا ف مصر في نسبة من الامناء الشرطة بياخدوا فلوس ودي حاجة مسلم بيها
يعني مش بعيب ف الشرطة ولكن امناء الشرطة في منهم المحترم واللي مش محترم
اما انا لو مكاني ف حكاية مصطفي لما راح الغرزة انا كنت هفكر كتير وممكن اتردد وارجع بس هقول حاجة انا بدات موضوع لازم اخلصه يبقي كنت لازم اكمل وفعلا كنت هكمل اما اسلوب مصطفي ف معاملة الراجل اللي ف الغرزة كان تعامل صحيح 100% لان لو حسسه مصطفي انه مش من المباحث كان عمل فيه حاجات كان سرقه وبهدله والكلام ده
بس كان تعامل صح
وكان مفيش اسلوب تاني
وجزاكي الله كل خير
1/20/2008 3:22 PMRe: يوميات طفل شارع ..الجزء الرابع
بس جرئة منه بجد اللى بيعمله ويدخل الاماكن دى
اما بخصوص امين الشرطة دة
ف والله يا سومة فى امناء كويسين وبيتقوا ربنا بردو
بس بصراحة على ما اعتقد ان الاغلبية كدة
بس انا زعلانة منك
انتى اول ما الحكاية حتبتدى تروحى ناهية الجزء
طب انا مستنية الجزء الخامس
وبالتوفيق يا رب
وربنا يكرمك
1/20/2008 5:29 PMRe: يوميات طفل شارع ..الجزء الرابع
الأستاذة اللي مدوخاني معاها وأنا بادور على الموضوع ولسه مش واصل لحاجة
الموضوع في الحلقة التانية كان بيرفكت قوي جدا خالص
لكن أنا حاسس إن الموضوع بيطول قوي يا سومة من غير ما نوصل لحاجة ماتحاولي تطولي في الحلقة شوية أصل كده علبال لما نخلص الموضوع هانكون خصنا في إيدك
أرجو إني في الجزء الخامس ألاقي حوارات مع سيد وحاجات تخلي الموضوع يبقى مثير أكتر من كده
وتسلم الأيادي بس يا ريت نسمع خير بقى علشان إنتي كده رمتيني جوة القصة ومش هاعرف أخرج منها غير لما تخلص
عاوزين شوية إثارة يا إما تقفليها كل مرة بحاجة مثيرة زي المسلسلات علشان ندور على الأجزاء اللي بعديها ونستناها على نااااااااااااااااااااااااار
سلام
1/21/2008 10:35 PMRe: يوميات طفل شارع ..الجزء الرابع
هو التصرف مش صح بس الحل الوحيد علشان يوصل للى هو عايزه وطلاما غرضه خير يبقى صح
وتفتكر فيه حد من الامناء بتوع الشرطه بيخدم الشعب مجانا بجد؟؟؟
فى وان كان نادر جداااااا
4-لو انت مكان مصطفى كنت هاتروح الغرزه دى ولا كنت هاتقول لا كفايه كده اللعبه دخلت فى الجد؟؟؟؟؟؟؟
بصراحه كنت هفكر اكتر من مره خصوصا ان المكان مشبوه وممكن يحصل مشاكل هناك
5- كنت هاتتصرف زى مصطفى مع الرجاله فى الغرزه ولا كان عندك
اسلوب تانى تتعامل بيه معاهم؟؟؟
لو روحت اكيد هو تصرفه كان كويس بس لو اتكشف كان حصله مشاكل كبيره
1/20/2008 3:09 PMRe: يوميات طفل شارع ..الجزء الرابع
بالنسبه للاسئله فانناشايفه انه مصطفي مش غلط ولاحاجه لما ادي الامين فلوس ده جاب من الاخر زي مابيقولوا وهو اكيد حس انه الراجل ده من النوع اللي بيقول بالفلوس فعرف سكته يعني وبيتهيقلي انه لسه فيه ناس يعني مش بتاعه الفلوس مش معقوله كل الناس بقت وحشه يعني
وبالنسبه لو مكان مصطفي اكيد كنت هاروح الغرزه يعني ماهو بدء الموضوع بقا يبقي يكمله علي خير ان شاء الله
واحسن حاجه انه مصطفي اتصرف كده عشان يحترموه والا لو كان عاملهم بطريقه تانيه كانوا مش هايحترموه ولاهايهتموا بيه مش بعيد كانوا اساؤا التعامل معاه كمان
وفوووووووووووووووووت لااحلي يوميات