لو أنت مصري تعالي هنااا؟

سؤال لكل واحد بيعمل فيها وصى علينا
محصلش مرة أن ليك واحد جارك فى العمارة
أسلوبة مش ولابد وقليل الأدب
عمل مشكلة مع أهل بيتك
وأتكلم معاهم بقلة أدب وشتمهم

يا ترى عملت معاه أيه؟؟؟
سامحتة وقدمتلة وردة ؟؟
وعفا الله عما سلف
مهو مسلم وعربى برده
ولا أخدت حقك وحق أهل بيتك أولا
(العين بالعين والسن بالسن والبادى أظلم)



وبعدين قعدت وأتصالحت معاة وأتصافت الأمور


مشوفتش الراجل دة بعد كدة
وهو بيتخانق مع واحد غريب
كان جاى يتعدى علية ؟؟؟
وقفت جنبة
ودافعت عنة
وأخدت لة حقة من الغريب ولا لأ ؟؟؟

-
-
-


احنا أشقاء لكل العرب والمسلمين
دم واحد
ودين واحد
وقفنا جنب الجميع
وهما برضة وقفوا معانا

ولكن بغض النظر عن الكورة
كم مرة بلدنا أتشتمت ؟؟من كل الدول العربية
كل يوم ويطلعوا يقولو مصر كذا وكذا وكذا
وشوف نفسك بتتعامل أزاى كمصرى عندهم
ولو مش عارف اسأل كل واحد مسافر ومتغرب عن بلده








حتى القضية الفلسطينية
اللى محدش مهتم بيها أكتر مننا
أخواننا العرب المسلمين
وقعو بينا وبين الفلسطينيين
وخلوهم شتمونا فى يوم من الأيام




أسف لطول المقدمة
بس لابد منها
لنربطها بقى بموضوعنا


خرج علينا الكثير ممن يرو نفسهم عقلاء
ونحن جهلة بالكثير من النصائح الغريبة فعلا

هو لما أقول على أستاد القاهرة أستاد الرعب
أبقى متعصب

أيوة أنا متعصب

ودى بقي دعوة للتعصب










أيوة أستاد الرعب
وهنرعب لاعيبة الجزائر
مع كل كورة يلمسوها
هو أنا لما أقعد أرفع الحماس
وأعلى الروح المصرية
أبقى متعصب

طب أنا بقى متعصب









هو أنا لما أشوف بلدى بتتشتم وأهلى بيتسبو
ورمز وعلم بلدى بيتحرقو
وأشوف ديني بيستهان بيه
وأزعل وأتنرفز
أبقى متعصب؟

أيوة أنا بقى متعصب















هو أنا لما أتمسك بحلم الوصول لكأس العالم
بكل قوة
وأستخدم حقوقى المشروعة
أبقى متعصب؟؟؟؟
طيب أنا بقى هعمل كل حاجة مشروعة
علشان أوصل كأس العالم

وأيوة أنا متعصب












مش حستقبلهم بوردة ولا فلة
أنا مش أقل منهم
ولا حستقبلهم بطوبة
علشان انا هطلع أحسن منهم
ومش ههنيهم على كورة بيلمسوها فى الماتش
وجمهورهم مش هخلية يطلعلة صوت

عشان أنا برده متعصب










واللى عايز يجى مصر منهم يدخلها بأدبة
واللى مش حيقعد بأدبة
حياخد فوق دماغة
أصل انتوا ما تعرفوش

مش أنا متعصب














وبعد ما نكسب بأذن الله
نبقى نسامحهم
ونقول لهم هارد لك
ونديهم وردة وفلة ونرجس وزي ما أنت عايز قول
وساعتها ممكن نبقى نتصافى
بشرط يشجعونا فى كأس العالم
تعويضا لنا عن السب والشتيمة اللى عملوها








ونرجع أصحاب وأخوات وحبايب
ويشتمونا كالعادة عند أول مشكلة عربية
(مش عارف لية)
ونقول معلش خلينا أحنا الكبار

-
-
-


الدعوة للسلام يا عقلاء
مش معناها أنى أسيب حقى
السلام أعملة وأنا واخد حقى
من اللى شتمنى وغلط فيا وفى أهلى




يعنى يعتذر الأول أو أخد حقى بمعرفتى
السلام عندى بعملة وأنا من مركز قوة
مش ضعف وأستكانة
لو هو دة التعصب اللى مزعلكم

فأنا بقى متعصب جدا
جدددددددددددددددددددددا





وياريت اللى مش عاجبة تعصبى
مع كامل أحترامي ليه يوفر النصيحة







علشان بصراحة
شايف الناس زودوها قوى
وعاملين علينا عقلاء وأحنا مجانين
كل شوية يطلعوا يشتمونا ويستهزقوا بينا
كفاااااااااااااااااااية بقى خنقونا والله يا وديييييع





وأعتقد التعصب لديني أو لبلدي ما يبقاش عيب ولا حرام




والمتعصب على طريقتى بقى يرفع أيده