كتب الكتاب بين الشرع والعرف

شريف باشا السلام عليكم انا هاقرأالموضوع بعد كده هارد على حضرتك انا بس بسلم عليك الاول

اهلا بيك ياحسين وانا هنتظر مناشقتك زى المرة الى فاتت لما تقراه
بس عايز اقولك شى صدقنى الى عملته هناك مش هيافة ولا حاجة ويمكن انت كنت معانا فى التوبيك الى قبل ده
وان شاء الله هاوضح كل شى هناك فى التوبيك
ومنتظر انك تقرى ونتناقش ياعزيزى

ده طلع موضوع غير الموضوع اللي كنا بنتكلم فيه هناك المهم اتفضل هانتناقش في ايه؟

شريف باشا انا عايز اوضحلك حاجه من وجهة نظري انا يعني وارد الخطأ ومستحب التعديل فيها اذا وجد ان شاء الله انا دايما بقول ان كلنا كالقمر له جانب مظلم ..... الكمال لله واحده..... دلوقتي انا مش هاتناقش معاك في الموضوع اللي حصل بينك وبين الاخ الاخر انا بس عايز اقولك تحليلي وتبريري للموقف ........ نفترض اني شاب بايظ بمعنى الكلمه مخلتش حاجه الا لما عملتها وطبعا الشر اللي جوايا استحاله انه يكون شر مطلق والا فا انا الشيطان ذاته اعاذنا الله منه ....... واطلع على النت اعمل ملاك ..... واتكلم في الدين وافكر الناس بربنا واقول كذا واعمل كذا ولمجرد اني اعمل لوج اوت من الموقع اضرب الجوب التمام واروح اقبل فلان وعلان واعمل عكس ما كنت بتكلم ....... ده ليه حسابه مع الله ....تمام كده دلوقتي الشب ده في مكان ما بيعمل شئ ما برده في اللحظه دي يطلع شاب او شابة يقرأ الكلام اللي التاني كاتبه اولا بيأخذ اجر القرأه وللي كتب مثله وتخيل كمان لو كان التاني اللي منعرفش وصل لأيه دلوقتي يمكن في كمان قاعد في الديسكو بيسكر..... كان ناقل موضوع قوي اثر في شخص ما واقتنع وكانت تنقصه هذه الفكرة بالذات تخيل انه هاياخد نفس اجره ......... وده كله مش في موضوعنا كل اللي عايز اقوله احنا نعارض ونصلح لو الكلام اللي مكتوب فيه حاجه غلط انما نغير في الشخص او في طريقة لبسه او عيشته ده هايضيع وقتك ووقت كل اللي بيعمل كده وخلي بالك دايما الردود جاهزه .....على غرار ربنا اعلم باللي جوايا ....... واخرهم كلمة انت مالك ....... صدقني يا شريف يا خويا احنا نعارض لو قالو ان فلان ده هايكون ليه حكم عليكم انما طول ما احنا مجرد قراء وكاتبين اللي عايز يقول يقول واللي عايز يعمل يعمل ......كل اللي تقدر تعمله انك تقول ....الا وقد بلغت ...اللهم فاشهد...... ومعلش طولت عليك

صدقنى والله سعيد بكلامك ده ومقتنع بيه جدا
بل حتى مش لو لابس قناع ده وارد واحد اصلا ميعرفش يعنى ايه صلاة ويقول كلمة فى يوم تحرك شى جوه حد
وصدقنى والله من اللحظة دى انا هاخد بكلامك ان شاء الله وهاوضحلك وجه نظرى فى كل الى كنت باعمله فى رسالة ان شاء الله
بس تعالى هنا احنادى الوقتى فى موضوع تانى
فين رايئك ياستاذ
:)

انت بتسالنى ياحسين
دى الوقتى
ايه رايك فى حكاية كتب الكتاب قبل الهنا بسنا دى
ورايك فى امتداد فترة الخطوبة لمدة لسنتين او اكتر وخاصا فى الوقت ده
وهل شايف تناقض بين عرف كتب الكتاب وبين الشرع
فى ان مع كتب الكتاب ومعرفة الاهل وعقد قران بين الزوجين بتصبح زوجته وتحل له وبين العرف الىب يقول لا ده كتب الكتاب ده حاجة صورية والاكتر من كدا الفئة الى بتقول ان كتب الكتاب يحلل كل شى الا المعاشرة الزوجية
يعنى يحل له لمسها وكدا يعنى
مع النظر لسلبيات ده لو الزواج لم يتم

طبعا موضوعك مهم وحساس جدا بس خلينا نبص في الموضوع من اتجاه اخر تعالى انا وانت نخرج من الدايره دي ومن الاحداث عشان نشفها بطريقه مصغره وده يدينا فرصه نشوف اكتر ونعرف وجهة نظر الناس دي ايه
.
.
.
.
احنا دلوقتي واقفين انا وانت شايفين اب وام قاعدين على السرير والبيت كله نايم غيرهم هما الاتنين بس
.
.
مفيش حل غير كده احنا نكتب الكتاب ولما ربنا يسهلهم يبئو يخشو
.
.
.
ده الموضوع من الاخر تعالى نرجع بالشريط ده شويه وباختصار المواضيع
.
.
الولد عرف البنت والبنت بتكلمه خلاص بداية الحب
.
.
البنت سرها مع امها ليه عشان امها بتحس بيها
.
.
يا ماما فلان بيقول انه بيحبني وانه وانه وانه
.
.
طيب انا عايزه اكلمه دي الام طبعاً
.
.
طبعاً انا قلتلك اني هاختصر جامد اوي عشان المواضيع دي مبتخلص والطرق مختلفة بس النتيجه واحده
.
.
.
لما تلكمه امها بتتفق انها عايزه تشوفه عشان تتكلم معاه وتعرف ظروفه
.
.
طبعا الاب بيكون عارف بس عامل مش عارف عشان شعور ابنته والموضوع جديد عليه بنته تعرف ولد يا لهوي طبعا الام بتتولى موضوع تهدئة الاب والتعامل في الموضوع لأن الامهات مش عشان هيا لازم تعرفه بس دي فطره نسائيه اتولدت فيها انها مش بتحفظ سر
.
.
المهم بتقابل الام الشاب اللي المفروض انه بيكلم بنتها في جواز واسره وموضيع كبيره وتبتدي تعرف ظروفه منهم اللي بيقول ظروفه بصراحه ومنهم اللي بيقول ظروفه مع كلمة هايحصل كذا وكذا ان شاء الله ومنهم اللي بيكدب
.
.
طبعا في حاجات كتيير في الموضوع انت شفت منها وفيه انت شفت غيره انما انا بقولك دايما النتيجه واحده خليها في الاخر
.
.
طيب يا ابني انت هاتجيب اهلك امتا .....لما اخلص امتحانات وفي حالات زي لما اخلص تعليم ولما اجهز نفسي ودي لما تعرفها الام يا توافق يا تقوله من هنا لما يحصل يحلها ربنا
.
.
المهم الشاب بيقنع اهله بطريقة ما انه يروح يخطب وهو يدوبك معاه حق علبة الجاتوه اللي هايروح بيها
.
.
احنا بنتكلم دلوقتي عن فئه معينه فئة الناس اللي بيأخرو الخطوبه والجواز لضيق الامكانيات لأنه لو فيه امكانيات هايتجوزو على طول ويكون بكده موضوعنا ملوش لزمه
.
.
المهم تحصل خطوبه بعد كده الام تبتدي تقول هو طالع نازل زي الخايله الكدابه كده سمعتنا و و و وتكتر الاقاويل
.
.
الخطوبه طالت لأربع سنين طيب يعني هاينفع اسيبها دلوقتي الناس يقولو ايه عليا
.
.
احنا لازم نفسخ الخطوبه ياللهوي والناس يقولو ايه على بنتي طب اعمل ايه طيب
.
.
مفيش حل غير كده احنا نكتب الكتاب ولما ربنا يسهلهم يبئو يخشو

وده اللي بيحص
طبعا انت عايز حل
لو عايز نصيحتي اقدر اقولك ان مفيش حل لأي سلبيه من اللي بنعيشهم دلوقي
مفيش غير حل لأن كل اللي بيحصل ده عباره عن سليبيات على سلبيات عملو سلبيات
انا حاولت اختصر على اد ما استطعت وسامحني اخي العزيز شريف

الله عليك
الموضوع كان محتاج توضيح بمثال زى الى قلته ده
وزى ماانت قلت كدا يعنى تعدد الاسباب والموت واحد
ان السبب فى اللجوء لكتب الكتاب هوحدوث تجاوز فى العلاقة والاهل تريح بالها وخلاص بكتب الكتاب ومفيش ضحية غير البنت
بس الى الاكتر من كدا ياعزيزى ان بعد انتشار السلبيات دى فى بعض الشباب اصلا كنوع من التسالى بردو وده بقى مش الى ظروفه مثلا مش اد كدا
لا هو فى سبيل تسليتهي عمل اى شى
يعرف البنت
البنت مجتش معاه قالتله جواز
يقول طب وايه المشكة انا هاخسر ايه ده هما تمن الدلبتين وبعد قراية الفتحة باسبوع انا عايز اكتب الكتاب او يخلى الاهل هما الى يطلبو ده بسلوكه يكتب الكتاب يعيش مع البنت يومين وبعدها اى مشكلة تحصل او من غير مشكلة اساسا صاحبنا فص ملح وداب
وكمان ان بعض الاهل لما يشك فى شخص ولا حاجة انه لعبى او كذا يقولك احنا نكتفه ونكتب الكتاب سبحان الله ياخى متعرفش بيفكرو ازاى وهو ايه اصلا الى هيكتفه فى كدا مش عارف
بل على العكس ده هو الى بيديله حرية
يدلع وميتلزمش بالكلام المتقفق عليه والى بيخلى الاهل توافق على اتمام الزواج حتى لو هتيجوزها فى البيت عندهم
يعنى البعض بيستلغها نظام لو دراع
المثال الى انت قلته ياحسين ده مثال حى قوى وهو الفعال الان وبيحصل وخاصا فى النت
البنت تعرف على حد طب اقبلك بس هتكون معايا ماما طب اوكى موافق ويتم الى انت قلت عليه ده
الى الشى الغريب الى سمعته من بعض الشيوخ والى ياريت بردو الكل يتاكد منه ويشوف صح ولا
ان يقال ان بعد كتب الكتاب لو الشخص ده دخل بالبنت وصبح الصبح قال انه حصل كدا بتصير زوجته فعلا
فطبعا دى الكارثة الكبرى
وياريت بجد تتاكدلى من الحكاية دى

شكرا يا شريف على كلامك الجميل
طبعا المشكله كلها في تجاوزات العلاقه
وفعلا في ناس تكتب الكتاب عادي وايه المشكله هما هايقتلوني يعني
اكيد انت سمعت عن الشاب اللي كانو مسكوه وجابوه في التلفزيون بينصب على النت
ازاي يا كبير بعد ما يتعرف على البنت يروح لأهلها ويطلب ايديها كمان يقول ابويا وامي متوفين ....... في دماغه...... يعني هما هايسئلو عن شهادة الوفاه....... انا مهندس بترول..... فدي دماغه برده يعنو هما هايطلبو بطاقتي........ وعليها يا معلم ومش واحده ولا اتنين دول اربعه وخمسه وسبعه كمان
.
.
انا لما شفت الموضوع ده مش قادر اوصفلك اد ايه انا كنت ميت على نفسي من الضحك ....وده علشان كان والدي بيتابع معايا البرنامج
.
.
بس لما دخلت غرفتي حسيت ان هم الدنيا كلها على صدري ودموع بتحاول تطلع من عيني
للدرجه دي احنا بناتنا رخاص عندنا ياااااااااااااااااااااه
والموضوع اللي انت بتسأل فيه
هو لمجرد كتب الكتاب بيكون كده شروط واركان العقد مكتمله واصبحت امام الله زوجته ....طالما بوجود الولي للزوجه والشهود والزوج والزوجه اصبح العقد مكتملاً
موضوع الدخله ده تقاليد مش اكتر

بص انت لو هتبص فى الاساس هتجده انه غلط فمنكلش غير بقى ان نقول لكل بنت متوافقش على شى زى ده لانه لافايدة منه
الخطوبة خطوبة والاب الى قلقان من العريس اصلا لو بيخاف على بنته يتحرى بنفسه وبجدية مش يرميهاله
وعايز اقولك حاجة
انا مكتبش التوبيك ده اصلا الا لما شوفت واحد من الى قلتلك عليهم دول يكتب الكتاب على البنت شهر ولا اتنين ويكت وللاسف لان ظروفه كويسة جدا ومن عيلة كبيرة كمان اهل العروسة مش بيشكو فى شى من الاساس
فياريت بقى الكل يخلى باله وخلاص
وشكرا ليك ياعزيزى مشاركتك ومناقشتك التحليلة دى وعلى طول يارب مشرفنى بس بلاش تبقى تقول هيافة تانى
ماشى؟
:)
واقولك على حاجة بسيطة قوى
انا اصريت انى انزل الموضوع ده دى الوقتى بالذات رغم انى كنت لسه محتاج اتاكد دينينا منه اكتر لسبب واحد
الشخص الى دخل هناك وقال هايفة وياريتها كانت جابت منكم 14 ده
اهو فى نفس المكان الى فى التبيوك التانى الهايف موجود التوبيك ده واهو دخل الهايف وقال رايه ومدخلش هنا
عشان تعرف بس ان فى ناس فعلا بتدور على الشى الهايف وتكلم فيه
واهو ادينا بنتعلم
وشكرا ليك ياحسين مرة تانية
:)

حبيبي شريف انا عجبني فيك انك بتتقبل كلامي فاكر اول توبيك دخلتلك فيه
وبعدين انا قلت كده لأسباب نفسيه معقده في الشرح بس الحمدلله انت بنفسك اقتنعت بكلامي وده بسبب الاسباب النفسيه اللي قولتلك عليها من شويه :)
وبعدين اللي عايز يعبر يعبر واحنا كلنا في بعضينا انا اقولك انت تقولي ادينا بنفك عن نفسنا واوعى تزعل مني ابداً انا دايماً عندي مبرر ولو لئيت مني اي حاجه غلط قبل ما تهاجمني اسألني وده علمه للناس اللي تخش تكتب ردود مش مناسبه في التوبيكات
يخلوه مبدأ عندهم وهما بيشوفو التوبيكات
وانا طبعا سعيد جداً اني اتكلمت واتناقشت معاك وياريت كل لما تعمل توبيك ابعتلي اللينك بتاعه .....ممكن

وانا والله مازعلت من كلمتك انت هناك لان زى مانا شايف اهو كل شى بتحلله مش مجرد كلام بترميه وخلاص
وانا معاك انهاهيافة انى اعمل كدا بس الاحساس بالاهانة صعب قوى ياحسين وخاصا لو من واحد الى بتلمسه فيه مش يخليك تحترمه
ويمكن دى مشكلة فيا وباعترف بده انى باخد الكلام بقائله
وحتة الكمال ياعزيزى بالمرة بقى وجه نظرى فيها ان لما احط المثالية اساس لشى واحاول اوصله ساعتها التفاوت فى تحقيق ده هيكون مقبول بخلاف لو قبلت التجاوز ده من الاساس ساعتها واكيد بيكون فى نسبة تفاوت اكتر غير مقبولة
يعنى لو قلت لتلميذ حل المسالة دى وليك نسبة خطا رقيمن او 3 يعنى الحل 50 لو طلعته 49 او 48 ساعتها هو هيعتمد على السماحية دى ويطلع حل بنسبة خطا اكبر تكون غير مقبولة بخلاف ماقوله حله المسالة دى وبعدين لو هو طلع الحل 49 ولا48 اقبله منه
اتمنى تكون فهمت وجه نظرى فى دى

فهمت يا عزيزي وجهة نظرك صح لما تدي تجاوزات لازم دايماً يكون في تجاوزات على التجاوزات ....... بس احنا احنا لينا كلام .... انا اعرف شريف انه محترم ازاي من كلامه ..... عرفت منين انه شريف من كلمة شريف اللي مكتوبه ,,,,, طيب انت لو كتبت انك اسمك احمد ده هايأثر على الكلام اللي بتقوله ......لا طبعا ..... اللي يأثر على الكلام اللي انت كاتبه هو الكلام اللي انت كاتبه نفسه ....... مش مهم هو مين انما المهم الكلام لو فيه غلط انا ليك بالمرصاد ومش هارحمك انت غلطان وعشان اعرف انه غلطان لأزم يكون فيه مبرر ودليل على كده واللي نقفشه غلطان في كلام ما في موضوع ما منرحموش لو دينياً انما نتناقش في اي حاجه تانيه ويا تقنعني يا اقنعك

لا ياعزيزى عايز تاخد الكلام بذاته كويس بس متحكمش من خلاله على الشخص
وبصراحة ده انا باوجه للبنات
كلام كيوس وعجبك اوكى خديها هو بس متحكميش منه على الشخص ده الله ده كويس ده انا اتعرف عليه وتمنحيه ثقة فقط عشان خاطر كلامه كويس ومحترم
وهى دى المشكلة ياحسين الى بتخيلنا نبحث ورا قايل الكلام
ماهو لو البنات عندهم وعى حقيقى بجد وبياخدو بالهم من دى صدقنى مكنش نحتاج نتكلم عن اقنعة
ياعزيزى فى زوربيا هنا ما لايقل عنم عشر بيوت وده الى لاحظتهم اتخربو بسبب ده
الناس الى ماشية على وتيرة الدين والشعر زى ماقلت باليدن يكسبو الثقة وبالشعر وكلامات الحب يلعبو على وتر الحرمان عن بعض النساء واستغلال المشاكل الاسرية فى التاثير على الست
لما تشوف واحدة قدام عينيك تحولت من سيدة فاضلة عقلها ينضرب بيها المثل لست خاينة لزوجها ولو بالمشاعر بس بسبب الاقنعة دى يبقى نفضل ساكتين لحد امتى ماهو كله بيجى علينا وعلى المجتمع كل بيت بيتهد ماهو المجتمع هو الى بيدفع تمن ده
اه بيغلطو ومش بياخدو بالهم وبيقعو بس هل ده يعنى ان خلاص بقى هما حرين
صدقنى صعب قوى
قلت فى الاول ماهو ممكن يبقى الواحد ملاك هنا وساعة مايطلع بره الموقع يبقى حاجة تاينة
ماشى معاك بس على الاقل فى الايطار والمكان الى احنا فيه بنكشفه ولو ف الحقيقة بردو نحاول
ولا انت مش شايف ان فى ناس بتفوق لما حد ينكشف قدامها وتستفاد من ده فى حياتها فى الواقع
؟

اخويا شريف رداً على سؤالك
.
ان في ناس بتفوق لما حد ينكشف قدامها
.
اوك والحد ده بيمشي ولو مرجعش بأكونت جديد هايرجع حد غيره وغيره مش هاتخلص
.
وموضوع السيدات ده اكبر من اننا نتكلم فيه ده عايز موضوع لوحده
.
انا هأخبرك بشئ يا شريف الحياه مش هاتتغير بكلامنا ولا بأفعالنا
.
ودي موجه من موجاتي الفلسفيه لأن اخوك دماغة بتحدف بره المجره بتاعتنا عشان تأخذ وضح احسن للرؤيه من عن بُعد
.
.
هناك من يحبون الجدل لمجرد الجدل.... واعتقد انه في طيلة حياتي رأيت شخص يقتنع برأي شخص اخر دون جدال وتمنى لو وجدت الشخص الذي يقول في تواضع : معك حق ....لقد كنت مخطئاً ....
والمشكله اننا نعتقد ان ارائنا جزء من كرامتنا ... جزء من وجودنا... وهذا يقودنا الى كوارث طيلة الوقت
.
.
تذكر ان كفار قريش كانو يعرفون ان الرسول محمد عليه السلام كان نبياً حقاً لكن اكثرهم لم يشأ الاعتراف بالخطأ وبعضهم استكبر ان يأتي نبي من بني هاشم
.
.
فهل نحن حقا بعيدون عن كفار قريش الى هذا الحد؟
طبعا انا كلامي ده مش ليك يا شريف ومش لأي حد بيقتنع بالصح وميخدش الموضوع على كرامته

اعتقد انى كتب الكتاب في الشرع
مجرد خطبة
لاني الزواج ياخي في مصر له جانبان
جانب شرعي لايتم الابموافقة اهل العروس والاشهار والعرض والقبول
وجانب مدني
هو ما نعرفه باسم وثيقة زواج
واللي حضرتك اشرت اليه هو الجانب المدني وما يحدث فيه لا علاقة الشرع ولا العرف بيه
هي بنت فرطت بمزاجها فيما لا تملك

معاك يازيكا بس الواقع بيقول غير كدا
ان الناس ببتعامل معاه انه جواز لحدود معينة
خروج مع بعض
اختلاء وفاكرة انه فعلا جواز
وطالما هو مجرد خطبة يبقى لازمتها ايه
ولو لاحظت ليه انتشر هتجد انه عاشن ده عشان لما يخرجو مع بعض الناس تقول دى مراته ومحدش يتكلم
والخطوبة فترة تعارف يعنى ممكن اه وممكن لا بالتالى نجد ان بقى فى نسبة كبيرة جدا خدو لقب مطلقة بدون اى ذنب ليهم وطبعا عارف المطلقة بتعامل ازاى هنا
فيبقى مفيش داعى بقى له من الاساس بالكتير قوى قبل الزوواج باسبوع ب عشان مثلا تجهزيات الفرح وكدا
ولا ايه رايك

المطلقة في الدين من كتب الكتاب يبقى اسمها بكر رشيد لاني الفقهاء بيسموه طلاق ابيض
اما اذا كانت غير كدة فهي زى اي بمن اتخطبت وفرطت في نفسها
يعنى كتب الكتاب مالوش ذنب وبرئ منها

كدا انت جبت المفيد ياخى العزيز
شكرا ليك الاستجابة والمشاركة
وربنا يلهم الجميع الصواب وحسن التدبير

مساء الخير
بالنسبه لموضوع كتب الكتاب خلينا نتكلم من ناحية الشرع :
أولا الزواج لا يتم الا بولي وشاهدي عدل .
ثانيا جرت العاده بين اغلب الناس أن كتب الكتاب لا يعد زواجا كاملا لأنها لم تذهب الى بيته ولا تصير زوجة له الا في يوم الزفاف وهذا متبع في القرى وفي الصعيد ولا تخرج البنت مع من تم كتب كتابه عليها الا بعد الزواج
لكن في المدن بدون كتب كتاب البنت تخرج مع من تريد وكلنا يعلم ذلك
اي انه بكتب كتاب او بدونه في المدن البنت بتخرج
اذا لما يكون مكتوب كتابها بيكون افضل ليها لأننا لا نعلم ما الذي سوف يحدث بعد الخروج وكما قال النبي صلى الله عليه وسلم ( مااجتمع رجل وامرأة إلا وكان الشيطان ثالثهما فإذا حدث والا يحمد عقباه فهي في هذه الحاله تسمى زوجته لكن كيف يكون الحال اذا كانت خطوبه فقط؟؟؟؟؟؟؟؟؟؟ عندئذ يتركها ويقول انها سلمت نفسها لي ويحتمل ان تكون سلمت لغيري وكل الشباب يعلم هذا جيدا.
اذا اخي العزيز بإختصار تسمى المرأة مطلقة افضل من أن تقع في الفاحشة وهي مخطوبه فبماذاتسمى حينئذ ؟؟؟؟

الاول شكرا ليكى المشاركة والاستجابة
كلام حضرتك كويس جدا بس بعد اذنك من غير تصنيف
البنت المحافظة محافظة سوا فى الريف او المدينة
وكلام حضرتك عن ان فى الريف مفيش بنت بتخرج مع الى مكتوب كتابها عليها ده طبعا مش كلام عام ولا حتى سائد الان
البنت بتخرج حتى مع خطيبها
ونفس الموجود فى المدينة موجود فى الريف
الشى الاهم والاخطر
اذا اخي العزيز بإختصار تسمى المرأة مطلقة افضل من أن تقع في الفاحشة وهي مخطوبه فبماذاتسمى حينئذ ؟؟؟؟
انتى بتعملى تخير بين شيني غلط ازاى
يعنى هو الاهون
بكدا بنسهل للغلط
وبعدين حضرتك لو الفاحشة حصضلت وهى مكتوب كتابها واطلقت طبعا النتيجة معروفة وشارع الهرم يشهد بكدا
وبعدين يعنى افهم من كلامك انك مؤيدة لفكرة كتب الكتاب دى عشان الهدف الى قلتى عليه ده ولا بتعارضيها

bos elmara deh mesh ha2ol ra2yy,la2eny fe3lan kont 3ayez a2ra 3an elmawdo3 dah,la2en elro2ya 3andy makantesh kamla belnesbalo
wana el7amd lelah estafdat keter
barak allah fek 3ala elda3wa
( : D

ايه ده ايه ده
متقولش رايك ازاى يعنى هو دخول التوبيك زى خروجه ولا ايه
:)
ماشى ياحمد بس انا عايز منك ملاحظة كدا على اراء
هتجد ان فى البعض شايف ان كتب الكتاب يعتبر جواز فعلا
وناس تاينة شايفة انه لاقيمة له وانه مجرد خطوبة
وهو ده اساس الموضوع
ان فى اختلاف بين الناس وعلى اساسه بتتعامل فى الواقع
وخلى بالك ده مش اختلاف فى شى لا ده فى ياجواز يالا
يعنى الى شايف انه جواز فعلى وبيتصرف على الاساس ده لو طلع انه مش جواز زى مالغالبية بتقول معنى كدا انه تصرفه ده لو عمل شى يعتبر زنا وهى معاه
واخد بالك ياحمد من خطورته فين
؟؟

الموضوع هايل فعلا
بس انا وجه نظري اني مش بقتنع بكتب الكتاب بدري كده
لاني بعتبر ده تقييد للحريات
وبيسبب مشاكل كتير اوي

لاني بعتبر ده تقييد للحريات؟؟؟؟؟؟؟؟
دى اجدد فكرة وصلت
يعنى ايه تقييد للحريات ياتيرى

يعني البنت مجرد انها تكون لسه مخطوبه واتكتب كتابها
بتكون مقيده
من اهلها وخطيبها اللي هو جوزها
يعني مفيش خروج
انتي واحده مكتوب كتابك
والناس مينفعش تشوفك كل شويه خارجه
حتي لو كانت خارجه تشتري حاجات لبيتها
ثانيا من ناحيه جوزها
اللي بيفضل يتحكم فيها بكل الاساليب المتاحه ادامه
علي اساس ان انتي مراتي وعلي ذمتي
وطبعا ده مش وارد في كل الحالات
بس اكيد موجود
غير كل ده طبعا
ان اول لما بتحصل مشكله ولو صغيرة
او حل بيخطر علي بال الكل
هو الطلاق
ومش بينوب البنت غير انها تحمل لقب مطلقة

انتى طيبة قوى
يعنى كل الى همك تقيد الخروج
بس الاهم انك عارفة
انا الخاسرة فى النهاية هى البنت فى كل الاحوال
خاصا وان مش واخدين بالنا منه ان حتى رغم ان الشخص هيعتبر ده جواز لكنه لو حصل اى تجاوز اساسا فيه وبعد كدا حصل جواز بيبقى فى ثغرة للشيطان انه يدخل يوسوسله انها منحته شى قبل متكون فى بيته
وحطى تحت دى الف خط وخط
يعنى حتى لو مكتوب الكتاب بردو برجاء اى بنت مش تمسح بتجاوز مبنى على الاساس ده
ولو حتى ناخدها بمبدا حرص ولا تخونش
وشكرا ليكى اخت تيرى

مش حكايه كل همي
ده ابسط مثال
وبيندرج بعده حاجات كتير اوي
زي المثال اللي انت قلته كده

sa7 ana m3ak fe kol kelma oltaha ya sherif
ana kman shayfa en ghalat awey katb el ketab badry
lazm lama net2aked we kman yaret 2abl el fara7 b youm 3alshan f3lan el bent hya ely btkhsar
voted

طب ايه رايك فى طول مدة الخطوبة يامى
شايفة ان فعلا كنوع من التماس عزر لحال الشباب الارتضاء بفترات الخطوبة الى بتوصل 3 واربع سنيين دى
هل هو ده العزر الى يقدمه الاهل للشاب
؟

msh 3arfa walahy ya sherif bas kol 7agah ba2et sa3ba awey el ayam de
ma3lsh ya sherif dah my last comment fe general ana asfa msh ha2dar arod 3alek tany :)

ana nafs ra2yak enta w may ya shreief
w bgad mawdoo3 gameeel w mofeed
khosoan el banat
voted

rabena yenfa3 beek

ايوة يا شريف
الموضوع فعلا مهم جدا جدا كمان
كنت شايفة ان مسألة كتب الكتاب دي بالنسبة ليا حاجة فعلية جدا عن الخطوبة بكتير
بس انت في كلامك لفت نظري عن حاجة بردو مهمة جدا هي ان كتب الكتاب صحيح بيستغل بشكل مش سليم لان المفروض يبقى الكتب الكتاب تخلي العريس اسرع في التجهيز وما يكسلش ويبين جديته في مسألة الارتباط الشرعي
بس الغريب انه زي ما بتقول كدة ما بقاش فعلي بالشكل ده يعني العريس ممكن اوي يكسل اكتر عكس ما كان في فترة الخطوبة وخلاص بقت كدة على ذمته وممكن بعد كدة يتجوزها وقت ما يحب ما خلاص ما ينفعش تقوله لا بعد كدة
تصدق انك لفت نظري جامد جدا
بس عايزة اقولك على حاجة بردو
مش كل الشباب بتفكر بالمنطق ده فيه ناس كتير بتقى فعلا عايزة تكتب الكتاب عشان يبقى فيه حرية اكتر يعني يخرجوا مع بعض من غير اي احراج او مثلا لو بيجهزوا الشقة يبقى مافيش بقى ضرورة وجود محرم معاهم لانها بقت شرعاً مراته
يعني مسألة كتب الكتاب قبل فترة من تحديد الزفاف والدخلة سلاح ذو حدين ودي تعتمد على الشاب ذات نفسه اذا كان جاد وملتزم اكيد مش راح يتباطئ بالعكس يبقى حاجة تشجعه على انه يجهز بسرعة زي ما بيقال: خير البر عاجله
اما بقى ماكانش جاد ففي الحالتين سواء الخطوبة او كتب الكتاب مش هتفرق معاه وهيبان عدم جديته في الارتباط الحقيقي
لان اللي اعرفه كمان في حتة الخطوبة دي ان اذا البنت اتخطبت لواحد ما ينفعش تتخطب لغيره الا اذا هو موافق هنا مش ينفع موافقة ولي امرها بس
يعني بتبقى الخطوبة عقد بين اتنين لازم الاتنين يتفقوا على فسخه تقريبا ده اللي اعرفه او اذا مش صح فقولي يعني
..
والله كلامك فيه الكتير من الصح ولازم نعيد تفكيرنا في النقطة دي بالاخص
يلا عقبال كل الزورباويين يتجوزوا كلهم امين يا رب
وانت قبلنا عقبال كدة ما افرح بيك
..
احييك يا شريف على طرحك للموضوع ده
تسلم ايديك

شكرا ردك الجميل ده سارة
بس فى شى
سلاح ذو حدين ماهو كل شى فى الدنيا سلاح ذو حدين
بس الاول اصلا ايدنى تعرف ثابت للصلاحيات الى بيمنحها كتب الكتاب
ياسارة اكتر حاجة تضحك قوى ان تلاقى المعزم يقولك جواز بس مش قوى
كل شى الا ممارسة العلاقة الزوجية
طب ازاى
فى اى شرع الجواز النص نص ده
انا كل ماسال حد فى الشارع بجد يقولى كدا
جواز بس مش كامل
قولليى ايه فوايده وانا قاولك سلبياته وقارنى
احساس الرجل بان البنت اصلا بقت معاه وله له بيدفعه لتكاسل او مش بيكون بنفس الحماس لو هى بعيدة عنه
لانه زى ماسمعت بيقولك لو يوم صبح كاتب الكتاب قال انه دخل على زوجته وانه بقت زوجته بتصير زوجته فعلا ويبقى حقق الاشهار
فاهمة دى يعنى ايه
يعنى استغلال مواقف
يعنى هروب من بنود وعقود الجواز
يعنى لو دراع
قوليلى ايه ايجابياته الى تتضاهى كل الحاجات دى
فوق كدا وكدا ياختى العزيزة ان حتى الزوج الىب يعتبر كتب الكتاب ده تاثيرة له لااستمتاع بالبنت هو نفسه الىب يتملكه الشيطان بعد الجواز ويوسوسله يقوله دى ادتك شى قبل متكون فى بيتك
الى بيثير العصبية بقى يمكن كان هو ده اساس انتشار العادة دى
الفئة الى بترى ان العريس ماينفعش يشوف خطيبته غير 3 مرات ومن وراء حجاب وان مينفعش يقعد معاها حتى لو مع اهلهم
طب الحل ايه
يقولك الحل نكتب كتابهم
طب ايه بقى كتب الكتاب ده الى يحل انه يقعد معاها هل جواز يقولك لا ده كانها خطوبة
سبحان الله بجد انا نفسى افهم باى منطق بيتكلمو بيه وللاسف ان الفئة دى ولانهها بتكون قدوة لغالبية العامة فالناس بتقدتى بيهم وتقول كا فلان رجل الدين بيعمل كدا يبقى ده الصح يوقلدو تقليد اعمى
انا نفسى بجد حد يدينى تعريف سليم لكتب الكتاب ده عشان انا انا فعلا ماعرفش لانى ومش اخبى لو انا كاتب كتابى والكلام ده والاهل الاتنين موجودين زى مبايحصل هاعتامل معاها انها زوجتى
بدون شك
ماهو لما اتحط فى مقارنة بين انى امشى تبع العرف او تبع الشرع هاختار الشرع
يعنى اهلى واهلها عارفين والجيران ولا اقارب يبقى هانتظر ايه بقى
مش ده التفكير الى هينتاب اى شاب فى الموقف ده
اذا كان اصلا وهو مخطوبين وبيعتبره حق متاع له يبقى مع كتب الكتاب هيعمل ايه
وعجبى

موضوع كويس بس مش عارف ايه المغزي منه بالظبط
؟؟؟؟؟

اولا السلام عليكم بجد بجد المرادى موضوع هايل بجد اكتر من التانى بكتير وحقيقى وواقعى اكتر وانا لو فية اكتر من الفوووت كنت عطتهولك ومفيش كلمة غلط وفعلا كتب الكتاب هو مش الافضل للبنت دة ممكن يسالها اكتر وانانية من الراجحل لانه زاى مقولت هو بيتعامل كزوجة وممكن لقدر الله ميحصلش نصيب فايسبها وفى الحالة دى تعتبر مطله والناس بتنظر للمطلقة بشكل بزيق للغاية كانها اجنت شئ فى حيتها وتعيش بيه وحتى لو ربنا كرمها بزوج تانى بتصبح نقطة فى صفحتها دايما
موجودة معها وبتطردها لذلك انا افضل فترة الخطوبة والتعارف بشكل محترم بين الاهل وبين الطرفين زاى مقولت بالذبظ علشان يتعرفوا على شخصيات بعض ودة الاحسن للبنت وربنا يوفق الجمييع للمرة التانية اسفة انى مدخلتهوش من الاول بسبجد هايل يا استاذ شريف

ياه اخيرا جيتى
طب كويس والله انك مؤيدة للراى
واكيد طبعا ده كدا افضل من كل النواحى
وشوفى الموضوع ده والى فيه ان شاء الله مش نحتاج يكون فى كتب كتاب ولا غيره
http://me.zorpia.com/forum/19413/276637

ياااااااااااااااه واخيرا هو انا لدرجاى موضوعك كان واقف على راى وعموما موضوعاتك كلها جميله واهو حدخل حالا

اولا : احب اقولك السلام عليكم ورحمة الله وبركاتة
وكل عام وانت بخير والى الله اقرب
اسمحلي اسرد ليك كل مايخص الخطوبة في الاسلام
والتي اصبحت تتم ولكن بقلة
وانا ارى انا اذا تمت كما ذكرت الحياة هتكون ماشية في نطاقها الصحيح

الخِطبة لغة : فعلة كجلسة ، ومن خطب المرأة إلى القوم إذا طلب أن يتزوج منهم .

وفي الاصطلاح : طلب الزواج ممن يعتبر منه، وهي اتفاق مبدئي عليه، ووعد بالزواج ، وتعتبر الخطبة أولى خطوات الزواج.

ولها آداب من أهمها :

1) صلاة الاستخارة ثم الاستشارة :

الزواج من الأمور المهمة في حياة المسلم والمسلمة ، وإذا عزم الشاب على التقدم لخطبة الفتاة فعليه استخارة الله تعالى ، ثم يستشير من لديه الخبرة ، فعن جابر رضي الله عنه قال : "كان النبى صلى الله عليه وسلم يعلمنا الاستخارة فى الأمور كلها كالسورة من القرآن ، وصفتها : يقول صلى الله عليه وسلم : إِذَا هَمَّ أَحَدُكُمْ بِالْأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلِ اللَّهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلَا أَقْدِرُ وَتَعْلَمُ وَلَا أَعْلَمُ وَأَنْتَ عَلَّامُ الْغُيُوبِ اللَّهُمَّ إِنْ كُنْتَ تَعْلَمُ أَنَّ هَذَا الْأَمْرَ - ويسمى الأمر - خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ عَاجِلِ أَمْرِي وَآجِلِهِ فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ ، وَإِنْ كُنْتَ تَعْلَمُ أَنَّ هَذَا الْأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ فِي عَاجِلِ أَمْرِي وَآجِلِهِ فَاصْرِفْهُ عَنِّي وَاصْرِفْنِي عَنْهُ وَاقْدُرْ لِيَ الْخَيْرَ حَيْثُ كَانَ ثُمَّ أَرْضِنِي قَالَ وَيُسَمِّي حَاجَتَهُ" رواه البخاري

ـ ويصلى العبد صلاة الاستخارة في أي وقت شاء ، ركعتين ، ثم بعد التسليم يدعو بهذا الدعاء ، وله أن يكررها ولا حرج في هذا ، فصلاة الاستخارة دعاء ، ولا حرج في تكرار الدعاء ، ولا يلزم بعد الاستخارة أن يرى العبد رؤيا ، بل سيرى إما التيسير أو عدمه ، أو الراحة النفسية للأمر والإقدام عليه أو عدمه. وتصلى الفتاة كذلك هذه الصلاة .

2) خطبة ذات الدين ، فقد حث النبي الكريم صلى الله عليه وسلم على نكاح ذات الدين فقال : : ( تنكح المرأة لأربع لمالها ، ولحسبها ، ولجمالها ، ولدينها ، فاظفر بذات الدين تربت يداك ) متفق عليه .
فعليك أخي الشاب أن تتطلع لذات الدين ، وما يأتي بعد ذلك من جمال يكون تبعاً ليس هو المقصود بحد ذاته ولا يقدم على الدين . وحاول أن تجد ذات الدين والحسن . والحسب . كذلك للمرأة أن تسمو لطلب ضاحب الدين والخلق الفاضل ولا تغرها المظاهر وحب المال والرئاسة وغيرها ،
3) حسن الخلق :

حسن الخلق صفة حميدة يحبها كل أحد وتجمل إذا كانت هذه الصفة في المرأة ، وقد نهي عن نكاح مجموعة من النساء لأن صفاتهن تخالف الخلق الحسن ، ومن ذلك :

· الأنانة : التي تكثر الأنين والتوجع والشكوى .

· والمنانة : التي تمن على زوجها بأفعالها .

· الحنانة : التي تحن على الزوج السابق إن كانت قد تزوجتن .

· الحداقة : التي تحدق عينها في كل شيء ، وتتطلع لكل شيء وتشتهيه .

· البراقة : التي تقضي وقتها في التلميع إما لوجهها أو ملابسها وتغفل عن بيتها .

· الشداقة : وهي كثيرة الكلام في غير ما فائدة .

4) يستحب أن تكون بكراً ، ففي الحديث : ( فهلا بكراً تلا عبها وترعبك ) متفق عليه . ولا حرج في نكاح الثيب بل قد يستحب إذا كانت ذات دين وقرابة ، فقد تزوج صلى الله عليه وسلم البكر وغيرها ....
5) التقدم لخطبة الولود الودود ففي الحديث : ( تزوجوا الودود والولود فإني مكاثر بكم الأمم يوم القيامة ) رواه أبو النسائي . وتعرف المرأة بالولادة ، بالنظر إلى أهله بيتها كالأم ونحوه . أو أنها قد تزوجت فولدت .

6) النظر إلى المخطوبة : ...
قال صلى الله عليه وسلم : ( إذا خطب أحدكم امرأة فقدر أن يرى منها بعض ما يدعوه إلى نكاحها فليفعل ) رواه أحمد .

وعن أبي هريرة رضي الله عنها قال كنت عند النبي صلى الله عليه وسلم فأتاه رجل فأخبره أنه تزوج امرأة من الأنصار فقال له رسول الله صلى الله عليه وسلم : (أَنَظَرتَ إِليْهَا ؟ ) قال : لا . قال : ( فَاذهَبْ فانظُر إِلَيْهَا فإِنَّ في أَعين الأنْصَار شيئاً) رواه مسلم

قال الإمام النووي رحمه الله : "فيه استحباب النظر إلى وجه من يريد تزوجها " [شرح مسلم 9/179] .

فيجوز للخاطب النظر إلى ما يدعوه إلى نكاحها كالرأس واليدين والساق ...

ويكون هذا النظر بوجود المحرم .


هل يجوز أن ترسل امرأة صورتها بالإنترنت لرجل خاطب في مكان بعيد ليراها فيقرر هل يتزوجها أم لا ؟

سئل فضيلة الشيخ محمد بن صالح العثيمين هذا السؤال فأجاب :

الحمد لله لا أرى هذا :

أولا : لأنه قد يشاركه غيره في النظر إليها .

ثانيا : لأن الصورة لا تحكي الحقيقة تماما ، فكم من صورة رآها الإنسان فإذا شاهد المصوَّر وجده مختلف تماما .

ثالثا : أنه ربما تبقى هذه الصورة عند الخاطب ويعدل عن الخطبة ولكن تبقى عنده يلعب بها كما شاء . والله أعلم .

6) لا يجوز الخلوة بالمخطوبة والذهاب معها أو التحدث ، وذلك لأنها مازالت أجنبية عن الرجل ، وللأسف الكثير من المسلمين اليوم ، ترك العنان لمحارمه وبناته ليخرجن مع الخطيب والذهاب معه بل وحتى السفر ، وكأنه بالخطوبة أصبح زوجاً ولا حول ولا قوة إلا بالله ...

7) لا يخطب على خطبة الغير بغير إذنه ، فعن أبى هريرة رضي الله عنه قال : قال رسول الله صلى الله عليه وسلم : ( لا يخطب الرجل على خطبة أخيه ، حتى ينكح أو يترك ) رواه البخاري .

وإذا لم يعلم الثاني بالخطبة جاز ، وللمرأة أن تختار أحدهما ...
8) يحرم التصريح بخطبة المعتدة من وفاة أو المبانة : ، لقوله تعالى : ( وَلا جُنَاحَ عَلَيْكُمْ فِيمَا عَرَّضْتُمْ بِهِ مِنْ خِطْبَةِ النِّسَاءِ)(البقرة: الآية235) ويباح التعريض .

وأما من طلق زوجته دون الثلاث فيباح له التصريح والتعريض .

وأما المرجعية فيحرم إجابتها لغير زوجها لأنها ما زالت في حكم الزوجات .

والبائن يجوز لها إذا خطبت التعريض دون التصريح .

والتصريح : كأن يقول أريد أن أتزوجك .

والتعريض كأن يقول : إني في مثلك راغب ونحو ذلك


9) يجوز التحدث مع المخطوب بالهاتف والمراسلة للتفاهم على العقد والشروط .

يقول السائل : هل يجوز مراسلة المخطوبة عبر البريد الإلكتروني للاتفاق على أمور قبل الزواج بمعرفة أبويها وعلمهم ؟.

الجواب :

الحمد لله لا مانع من مراسلة المخطوبة للاتفاق على أمور الزواج ، إذا كان ذلك بعلم أبويها واطلاعهم وكانت الرسائل خالية من العبارات العاطفية التي لا يجوز أن تكون بين المرأة والرجل الأجنبي عنها . ومعلوم أن الخاطب أجنبي عن مخطوبته ، حتى يعقد النكاح .
ولا فرق بين أن تكون هذه المراسلة عن طريق البريد الإلكتروني أو العادي أو كانت حديثاً عبر الهاتف ، والأولى أن تتم المراسلة والمحادثة مع وليها فقط .


وسئل الشيخ صالح الفوزان حفظه الله عن مكالمة الخطيب لخطيبته عبر الهاتف هل هو جائز شرعا أم لا ؟

فأجاب : " مكالمة الخطيب لخطيبته عبر الهاتف لا بأس به ؛ إذا كان بعد الاستجابة له ، وكان الكلام من أجل المفاهمة ، وبقدر الحاجة ، وليس فيه فتنة ، وكون ذلك عن طريق وليها أتم وأبعد عن الريبة . " كتاب المنتقى للشيخ الفوزان "


10) لا يجوز لبس الدبلة لما فيه ؛ من مشابهة الكفار ؛ ولأنه ليس من عادات أهل الإسلام ، وقد يعتقد البعض أنه متى نزعها بطل النكاح أو أنها سبب للألفة ونحو ذلك من البدع ...
التي يعتقدها البعض .

ويشتد التحريم إذا كان الخاطب يلبس الذهب لأنه محرم لا يجوز لبسه .

سئل الشيخ ابن عثيمين رحمه : عن حكم لبس دبلة الخطوبة فقال :

دبلة الخطوبة عبارة عن خاتم ، والخاتم في الأصل ليس فيه شيء إلا أن يصحبه اعتقاد كما يفعله بعض الناس يكتب اسمه في الخاتم الذي يعطيه مخطوبته ، وتكتب اسمها في الخاتم الذي تعطيه إياه زعماً منهما أن ذلك يوجب الارتباط بين الزوجين ، ففي هذه الحال تكون هذه الدبلة محرّمة ، لأنها تعلّق بما لا أصل له شرعاً ولا حسّاً ، كذلك أيضاً لا يجوز في هذا الخاتم أن يتولى الخاطب إلباسه مخطوبته ، لأنها لم تكن زوجه بعد ، فهي أجنبيّة عنه ، إذ لا تكون زوجة إلا بعد العقد . [ انظر الفتاوى الجامعة للمرأة المسلمة ]



11)لا يجوز رد الكفء ، فعن أبي هريرة قال قال رسول الله صلى الله عليه وسلم : ( إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض ) رواه الترمذي وحسنه الألباني


12) تأخير الزواج لا ينبغي ، وقد يصل إلى درجة التحريم إذا كان يترتب على تأخيره محرم .


13) تطويل فترة الخطوبة لغير مبرر : وهذا بدوره قد يسبب نفرة أحد الزوجين عن الآخر ، وقد يقع بينهما أمورا لا تحمد عقباها .
14) لا تجبر الزوجة على رجل لا تريده . ولا يجوز عضلها


والله تعالى أعلم ، وصلى الله وسلم على نبينا محمد
انا بحييك جدا على طرحك لموضوع مهم جدا جدا
لان في اشياء كثيرة سقطت في مجتمعنا
بسبب عدم الالتزام بشروط الخطوبة
الكلام لم ينتهي عند هذة النقطة يااخ شريف
فاللحديث بقية أن شاء الله
لأن الموضوع شدني كثيراً
جزاك الله الجنة
وجعل ذلك في موازين حسناتك ان شاء الله
وكل عام وانت بخير

كان عندى اكبر حق لما بعتلك دعوة المشاركة
مش عارف بجد اقولك ايه على التوضيحات الدنينة الفوق الرائعة دى
ومنتظر المزيد وياريت بجد تجمعى اكبر قدر من وجه الدنينة لكتب الكتاب وايه الصلاحيات الى بيمنحها للعريسين
لان دى اكتر نقطة بيكون فيها خلاف قد يصل ان البعض يقع فى المعضية من غير مايشعر
وفى نقطة فى كلامك فى اول
المنانة والحداقة والحنانة
والصفات دى
ازاى ان الشخص يقدر يعرف الصفات دى اصلا فى الى قدامه
حيث انها مش بتظهر الا من خلال المعاملات بعد الزواج
يايرت تبقى توضيحا مع باقى اضافتك
وحقيقى شاكر جدا جدا ليكى واكون شاكر اكتر باقى الرايى
وربنا يجعله بفايدة يارب
وكل سنة وحضرتك بالف صحة وسلامة

بأذن الرحمن يااخ شريف
سوف أكمل رأيي في الموضوع
لانه موضوع في غاية الاهمية
جعلة ربي لك في موازين حسناتك
وجزاك ربي به الفردوس الاعلى من الجنة
تقبل مني خالص الاحترام والتقدير

ب